بقو-دا ادام ءولتىرىپ, قاشىپ كەتكەن كۇدىكتىگە ىزدەۋ جاريالاندى

«موي گورود» باسىلىمىنىڭ دەرەگىنشە, وبلىستىق پوليتسيا دەپارتامەنتى دانيار ماقسوتوۆتى ىزدەپ جاتىر.

كۇدىكتى ورتاشا دەنەلى, شاشى قارا, كوزى قوڭىر.

- كۇدىكتى ازامات تۋرالى كورىپ-بىلگەندەر بولسا, بقو پد-ءنىڭ كەزەكشى بولىمىنە 102, 8 705 747 99 99, 8 7112 98 45 30 تەلەفوندارى ارقىلى حابارلاسۋدى سۇرايمىز, - دەلىنگەن حابارلامادا.

ايتا كەتەيىك, 2024 جىلدىڭ 5 اقپانىندا مەسسەندجەرلەردە اباي پوليتسيا بولىمىنەن حابارلاما تاراتىلدى. وندا ءۇش ەر ادامنىڭ «اسا اۋىر قىلمىس» جاساعانى ءۇشىن ىزدەۋدە جۇرگەنى ايتىلدى. ولاردىڭ اراسىندا دانيار ماقسوتوۆقا ۇقساس ادامنىڭ سۋرەتى دە بولعان.

2024 جىلدىڭ 2 اقپانىندا داۋلەتكەرەي كوشەسىندەگى جەكە سەكتوردان زورلىقپەن ءولىم بەلگىلەرى بار ەر ادامنىڭ ءمايىتى تابىلدى. سول كەزدە پوليتسەيلەر قىلمىسقا قاتىسى بار دەگەن كۇدىكپەن ءۇش ەر ادامنىڭ ىزدەۋدە جۇرگەنىن راستادى.