مادەنيەت جانە اقپارات مينيسترلىگىندە بىرىككەن اراب امىرلىكتەرىنىڭ قازاقستانداعى ۋاقىتشا سەنىمدى وكىلى ايشا المەسماريمەن ەكى ەل اراسىندا مادەنيەت سالاسىنداعى ىنتىماقتاستىقتى نىعايتۋ ماقساتىندا كەزدەسۋ وتكىزىلدى, دەپ حابارلايدى Egemen.kz.
كەزدەسۋدە سالاداعى ءوزارا ءىس-قيمىلدى نىعايتۋ جانە ەكى مەملەكەت اراسىنداعى مادەني بايلانىستاردى دامىتۋعا باعىتتالعان بىرلەسكەن جوبالار مەن باستامالاردى ىسكە اسىرۋ مۇمكىندىكتەرى تالقىلاندى.
مادەنيەت جانە اقپارات ۆيتسە-ءمينيسترى ايزادا قۇرمانوۆا قازاقستان مەن ءباا حالىقارالىق ىنتىماقتاستىقتى جۇزەگە اسىرۋ ءۇشىن قاجەتتى شارالاردى بەلسەندى تۇردە ىسكە اسىرىپ جاتقانىن اتاپ ءوتتى. ۆيتسە-مينيستر تەاتر ونەرى سالاسىندا وتكىزىلەتىن بىرلەسكەن ءىس-شارالارعا توقتالىپ, «استانا وپەرانىڭ» بىرىككەن اراب امىرلىكتەرىنە الداعى گاسترولدەرىن, وتاندىق ديزاينەرلەر مەن قولونەرشىلەردىڭ شاردجا قالاسىندا وتەتىن دۇنيەجۇزىلىك مادەني مۇرا اپتالىعىنا قاتىساتىنىن ايتتى.
ءوز كەزەگىندە ايشا المەسماري بىرىككەن اراب امىرلىكتەرى ەكى ەل اراسىنداعى مادەني بايلانىستاردى ودان ءارى دامىتۋعا مۇددەلى ەكەنىن جەتكىزدى.
سونداي-اق كەزدەسۋدە 2025 جىلعى ساۋىردە ابۋ-دابي قالاسىندا وتەتىن مادەني سامميت تۋرالى جانە قازاقستاننىڭ وسى ءىس-شاراعا شاقىرىلعانى ايتىلدى.