توتەنشە جاعدايلار مينيسترلىگىنىڭ قىزمەتكەرلەرى قار قۇرساۋىندا قالىپ قويعان 7 ادامدى قۇتقاردى, ونىڭ ىشىندە 5 بالا بار, دەپ جازادى Egemen.kz.
بۇگىن تاڭەرتەڭ وساكاروۆكا اۋدانىنا قاراستى ستەپنوە اۋىلىنان 10 شاقىرىم جەردە جەڭىل اۆتوكولىك قار قۇرساۋىندا قالىپ قويعان.
وقيعا ورنىنا جەتكەن قۇتقارۋشىلار كولىكتەگىلەردى قاۋىپسىز جەرگە شىعارعان. ولار مەديتسينالىق كومەككە مۇقتاج بولماعان. 7 قاراعاندىلىق جاقىن ماڭداعى ەلدىمەكەنگە جەتكىزىلگەن.
تجم تۇرعىندارعا كۇن رايىنىڭ وزگەرۋىنە بايلانىستى جولدارداعى قوزعالىستىڭ شەكتەلۋى تۋرالى رەسمي حابارلامالاردى باقىلاۋدى ەسكەرتەدى.