14-18 قازان كۇندەرى اتىراۋدا ءدىن ماسەلەلەرى بويىنشا رەسپۋبليكالىق اقپاراتتىق-ءتۇسىندىرۋ توبىنىڭ مۇشەلەرى قوعامدا ءداستۇرلى رۋحاني-ادامگەرشىلىك قۇندىلىقتاردى قالىپتاستىرۋ جانە ءدىني ەكسترەميزمنىڭ الدىن الۋ باعىتىندا سەمينارلار مەن ءارتۇرلى فورماتتاعى ءىس-شارالار وتكىزدى, دەپ جازادى Egemen.kz.
ءىس-شارالارعا رەسپۋبليكالىق اقپاراتتىق-ءتۇسىندىرۋ توبىنىڭ مۇشەلەرى, تەولوگتار, ءدىنتانۋشىلار قاتىستى. بۇل قاتاردا اتىراۋ وبلىسى, «شاپاعات» ددا جاپا شەككەندەرگە كومەك ورتالىعى» قق تەولوگ مامانى نۇرعاليەۆا ايناگۇل ىزتەلەۋقىزى, «قاراعاندى وبلىسى, كونفەسسياارالىق پروبلەمالارىن زەرتتەۋ جانە تالداۋ ورتالىعىنىڭ» پسيحولوگ مامانى الپىسباەۆا نازىم سەيىتحانقىزى, ماڭعىستاۋ وبلىسى, ءدىن ىستەرى باسقارماسى ء«دىني بىرلەستىكتەرمەن بايلانىس جانە ءدىني ەكسترەميزمگە قارسى ناسيحات جۇمىستارىن ۇيىمداستىرۋ» ءبولىمىنىڭ باسشىسى شوپانوۆا باقىتگۇل ماقسوتقىزى, «AMANAT» پارتياسى, ماڭعىستاۋ وبلىستىق فيليالى توراعاسىنىڭ ورىنباسارى شامشادينوۆا انار امانگەلدىقىزى بار.
ءىس-شارالاردى ۇيىمداستىرۋ بارىسىندا, اتىراۋ قالاسى, ماحامبەت, يساتاي, دوسسور جانە ماقات اۋداندارىنىڭ مەشىتتەگى ايەل جاماعاتىمەن, تۇزەتۋ مەكەمەسىندەگى جازاسىن وتەۋشى ايەلدەر, جاستار, جەرگىلىكتى تۇرعىندارمەن «قازاقستانداعى ءبىلىمنىڭ زايىرلى جانە پروگرەسسيۆتى سيپاتى», «زايىرلى قوعامداعى ايەل ءرولى جانە ايەلدىڭ الەۋمەتتىك ءرولى», ء«داستۇرلى يسلام قۇندىلىقتارى مەن راديكاليزمنىڭ اسپەكىلەرى», جانە وزگەدە تاقىرىپتار اياسىندا كەزدەسۋلەر ءوتتى.