ۇلتتىق تەستىلەۋ ورتالىعى بيىل گرانت كونكۋرسىنا قۇجات قابىلداۋ بارىسىندا جالعان سەرتيفيكات ۇسىنعان 10 تۇلەكتى انىقتادى, دەپ جازادى Egemen.kz.
ورتالىق سەرتيفيكاتتىڭ تۇپنۇسقالىعىن انىقتايتىن بىرەگەي QR كودى بار ەكەنىن ەسكە سالدى, دەمەك جالعان قۇجات قايتسە دە انىقتالادى.
مۇنداي زاڭسىز ارەكەت ۇشىن قر قىلمىستىق كودەكسىنىڭ 385-بابى بويىنشا قىلمىستىق جاۋاپكەرشىلىك قاراستىرىلعان.
«مىنا سەرتيفيكاتتا QR-كود اشىلمايدى, سونداي-اق ساندار ءار ءتۇرلى شريفتپەن, ءار ءتۇرلى كولەمدە جازىلعان. سەرتيفيكاتتاردى قولدان جاساۋعا تىرىسۋدىڭ بارلىق جاعدايى ءتيىستى شارالار قابىلداۋ ءۇشىن قۇقىق قورعاۋ ورگاندارىنا جولدانادى», دەلىنگەن ۇلتتىق تەستىلەۋ ورتالىعىنىڭ حابارلاماسىندا.
ايتا كەتەيىك, ۇبت سەرتيفيكاتى app.testcenter.kz سايتىنداعى جەكە كابينەتتە, certificate.testcenter.kz سايتىندا جانە eGov ەلەكتروندىق ۇكىمەت پورتالىندا قولجەتىمدى.