بۇگىن داعىستان جوعارعى سوتى ماحاچكالا مەن دەربەنتكە جاسالعان قارۋلى شابۋىلدى رەسپۋبليكاداعى سەرگوكالين اۋدانىنىڭ باسشىسى ماگومەد وماروۆتىڭ 31 جاستاعى ۇلى وسمان وماروۆ جاساعانىن انىقتادى, دەپ جازادى Egemen.kz ريا نوۆوستي اقپاراتتىق پورتالىنا سىلتەمە جاساپ.
«سودىرلاردىڭ سىبايلاسى وماروۆ قۇرعان توپقا قوسىلدى. (...) وسىدان كەيىن قىلمىستىق توپتىڭ قاتىسۋشىلارى داعىستان رەسپۋبليكاسىنىڭ اۋماعىندا تەرروريستىك اكتىلەر جاساۋعا دايىندالا باستادى. وسمان وماروۆ سەرىكتەستەرىنەن ونى توپتىڭ جالعىز كوشباسشىسى دەپ تانۋدى جانە وعان انت بەرۋدى تالاپ ەتىپ كەلگەن», دەلىنگەن داعىستان جوعارعى سوتىنىڭ حابارلاماسىندا.
سوت قارۋلى توپتىڭ باسشىسى مەن باسقا دا مۇشەلەرى قاماۋعا الىنعانىن مالىمدەدى.
ايتا كەتەيىك, 23 ماۋسىم كۇنى داعىستاننىڭ دەربەنت جانە ماحاچكالا ايماعىندا قارۋلى توپ پراۆوسلاۆيە شىركەۋى, سيناگوگا مەن پوليتسيا پوستىنا شابۋىل جاساپ, 21 ادام قازا تاپتى. ال 40 ادام زارداپ شەكتى.
وسىعان بايلانىستى داعىستان اۋماعىندا 24, 25, 26 ماۋسىم ازا تۇتىلدى.