استانادا قوعامدىق كولىكتەرگە ارنالعان تاعى ءبىر ارنايى جولاق – Bus Lane ەنگىزىلەدى. بۇل تۋرالى 2024 جىلدىڭ 26 ماۋسىمىندا «City Transportation Systems» جشس مالىمدەدى, دەپ حابارلايدى Egemen.kz.
مالىمەتتەرگە سۇيەنسەك, ماڭگىلىك ەل داڭعىلىنىڭ بويىندا ۇلى دالا داڭعىلىنان كەرەي جانىبەك حاندار كوشەسىنە دەيىنگى بولىكتەگى ەكى باعىتتا Bus Lane جولاعىن ەنگىزۋ جوسپارلاندى.
«شامامەن شىلدە ايىنىڭ 10-ىنا قاراي. ول تۋرالى قوسىمشا حابارلانادى. قوعامدىق كولىك ءۇشىن بولىنگەن جولاقتى ەنگىزۋدى ازىرلەۋ كەزىندە جولدىڭ جۇكتەمەسى جانە كوشە-جول جەلىسىنىڭ تەحنيكالىق مۇمكىندىگى ەسكەرىلدى», دەلىنگەن حابارلامادا. كومپانيا قوعامدىق كولىكتەرگە ارنالعان جولاقتى ەنگىزۋدى ازىرلەۋ كەزىندە جول كەپتەلىسى مەن جول جەلىسىنىڭ تەحنيكالىق مۇمكىندىگى ەسكەرىلگەنىن اتاپ ءوتتى. بۇگىندە ماڭگىلىك ەل داڭعىلى قالانىڭ حالىق تىعىز ورنالاسقان اۋدانى. داڭعىل بويىمەن 20 باعىت جۇرەدى. قالانىڭ باس داڭعىلىنداعى جولاۋشىلار تاسىمالى تاۋلىگىنە 88 مىڭ ادامدى قۇرايتىنى بەلگىلى بولدى.