ناتو-نىڭ بريۋسسەلدەگى شتاب-پاتەرى جانىنداعى قازاقستان رەسپۋبليكاسى قورعانىس مينيسترلىگىنىڭ اسكەري وكىلدىگىندە 13-17 قاڭتار ارالىعىندا «VERITY» باعدارلاماسى بويىنشا سەمينار بولىپ ءوتتى.
«VERITY» باعدارلاماسى ەۋروپاداعى قالىپتى قارۋلى كۇشتەر تۋرالى شارتقا قاتىسۋشى مەملەكەتتەر اراسىندا قارۋلى كۇشتەر تۋرالى اقپارات الماسۋعا ارنالعان. ال سەميناردىڭ ماقساتى جىل سايىن وندىرەتىن «VERITY» باعدارلاماسىنىڭ مالىمەتتەر بازاسىن جاڭارتۋ بولىپ تابىلادى.
سەميناردىڭ جۇمىسىنا شارتتىڭ ەرەجەلەرىن ىسكە اسىرۋمەن, اقپارات الماسۋدى دايارلاۋمەن, ەسكەرتپە حاتتاردى جونەلتۋمەن جانە قابىلداۋمەن, سونداي-اق, ولاردى تالداۋمەن اينالىساتىن ەۋروپاداعى قالىپتى قارۋلى كۇشتەر تۋرالى شارتقا قاتىسۋشى مەملەكەتتەر ۆەريفيكاتسيالىق ورتالىقتارىنىڭ وفيتسەرلەرى تۇراقتى تۇردە قاتىسادى. قازاقستان بۇل شارتقا 1992 جىلى قوسىلعان.
«ەگەمەن-اقپارات».