ادامدار كوپ جاعدايدا ساقتىق شارالارىن ەستەن شىعارىپ الىپ جاتادى, بۇگىنگىدەي اۋا رايىنىڭ قۇبىلمالى كەزىندە قانشا ەسكەرتىلسە دە, جولعا شىعىپ كەتەتىن وقيعالار از كەزدەسپەيدى.
جاقىندا سولتۇستىكقازاقستاندىقتاردىڭ ۇيالى تەلەفوندارىنا «112» ءنومىرى ارقىلى وبلىس اۋماعىندا كۇننىڭ كۇرت سۋىتىپ, جەلدىڭ كۇشەيەتىنى تۋرالى جەدەل حابار جولدانعان بولاتىن. الايدا, كەي ەلدى مەكەن تۇرعىندارى بۇعان قۇلاق اسپاستان جولعا شىققان. اقىرى نە بولدى دەيسىز عوي؟ تەك شال اقىن اۋدانىندا عانا 175 ادام قار قۇرساۋىندا قالعان.
«قازاۆتوجول» اق پەن سقو ىشكى ىستەر دەپارتامەنتىنىڭ ءوزارا كەلىسىمىمەن رەسپۋبليكالىق جانە جەرگىلىكتى ماڭىزداعى بارلىق جولداردىڭ جابىلاتىنى جايلى حاباردىڭ تۇسكەنىنە قاراماستان, بىرقاتار توتەنشە وقيعالار ورىن الدى. اتاپ ايتقاندا, تيميريازەۆ, اققايىڭ, ايىرتاۋ, ع.مۇسىرەپوۆ, قىزىلجار, جامبىل اۋداندارىندا 151 كولىككە مىنگەن 382 جولاۋشىعا جەدەل كومەك بەرۋگە تۋرا كەلدى.
سەميپولكا اۋىلىنا بارا جاتقان جەڭىل كولىك ىشىندە وزگە جۇرگىنشىلەرمەن بىرگە جۇكتى ايەل دە بولعان. وسىنداي بەيقامدىقتىڭ اقىرى وپىق جەگىزىپ جاتسا كىمدى كىنالاۋعا بولادى؟
ناتاليا پوپوۆا,
سولتۇستىك قازاقستان وبلىستىق توتەنشە جاعدايلار جونىندەگى
دەپارتامەنتتىڭ باس مامانى.
پەتروپاۆل.