قوستاناي. 19 قاڭتار. بەلگىلى اقىن جولبارىس قاجى بايازيد ءوزى تۋىپ وسكەن مەڭدىعارا اۋدانىنىڭ قۇرمەتتى ازاماتى اتاندى. بۇل تۋرالى egemen.kz ءتىلشىسى حابارلادى.
جاقىندا قۇرامىندا اۋدان اكىمىنىڭ مىندەتىن اتقارۋشى ك.سادۋاقاسوۆ, اۋداندىق ءماسليحات حاتشىسى ۆ.لەونوۆ, اۋداندىق مادەنيەت جانە تىلدەردى دامىتۋ ءبولىمىنىڭ باسشىسى س.شۆىدچەنكو, قوستاناي قالاسىندا تۇراتىن اقىن جولبارىس بايازيدكە مەڭدىقارا اۋدانىنىڭ قۇرمەتتى ازاماتى كۋالىگى مەن قۇرمەتتى لەنتاسىن اكەلىپ تاپسىردى.
جولبارىس بايازيد وسى اۋدانداعى كراسنايا پرەسنيا اۋىلىندا تۋعان. كوپ جىلدار وبلىستاعى ءباسپاسوز سالاسىندا جەمىستى قىزمەتتەر ىستەدى. سونىمەن قاتار, ءوزىنىڭ اقىندىق شىعارماشىلىعىن ۇشتاي ءبىلدى. ونىڭ بىرنەشە جىر جيناقتارى تەك وبلىسقا عانا ەمەس, ەلىمىز وقىرماندارىنا تانىمال. جولبارىس اقىن ءماتىنىن جازعان «قىزدارعا اسەمدىك جاراسادى», «قوستانايىم» اندەرى كەڭ تاراعان. اقىن جەرلەستەرىنىڭ ءوز شىعارماشىلىعىنا كورسەتكەن سىيىن قازاق ادەبيەتىنە دەگەن قۇرمەت دەپ بىلەتىنىن جەتكىزدى. ول ءوزىنىڭ كىندىك كەسكەن اۋىلى مەڭدىقارا اۋدانى جۇرتشىلىعىنا مەرەيلى تابىستار, تىنىشتىق, مول يگىلىكتەر تىلەدى.
ءنازيرا جارىمبەتوۆا.
دەرەك: egemen.kz.
سۋرەت: mendikara.kostanay.gov.kz.