پەتروپاۆل.19 قاڭتار. سولتۇستىك قازاقستاننىڭ مامليۋت اۋدانىنا قاراستى ۆوسكرەسەنكا اۋىلىنىڭ 30 جاستاعى تۇرعىنىن ءولىم اۋزىنان توتەنشە جاعداي قىزمەتكەرلەرى مەن شەكاراشىلار قۇتقارىپ قالدى. بۇل تۋرالى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى.
كورشى اۋىلدان جەم الىپ كەلۋگە كەتكەن جىگىتتىڭ ورتا جولدا تراكتورى ىستەن شىعىپ, اق تۇتەك بوراندا قالىپ قويادى. دەنەسىن اياز قارىپ, اياق-قولى جاۋراي باستايدى. كابينادا وتقا جاعىپ, جىلىنباق بولىپ كۇيىپ تە قالادى.
ونىڭ كەشىكككەنىنەن سەكەم العان تۋىستارى دابىل قاعىپ, شەكاراشىلار بەكەتىنەن جاردەم سۇرايدى. الايدا ءىز, كەسۋ ءساتسىز اياقتالادى. تەك اۋداننان جەدەل جەتكەن توتەنشە جاعداي قىزمەتىنىڭ وكىلدەرىمەن بىرلەسىپ, اۋىلدان 12 شاقىرىم جەردە سىنىپ قالعان تراكتور مەن يەسىن ىزدەپ تابادى.
«تراكتور بۇزىلعاننان كەيىن باكتا قالعان جانارمايعا ءبىراز جىلىنىپ وتىردىم. ول تاۋسىلعان سوڭ اياق-قولىم ابدەن قاتىپ قالدى. ومىردەن ءتۇڭىلىپ, اسىلىپ ولگىم كەلدى. قۇتقارۋشىلارعا العىسىم شەكسىز. كورەر جارىعىم بار ەكەن», دەيدى رەسەي مەن قازاقستان اراسىنداعى شەكارادان تاياق تاستام جەردە اداسىپ كەتكەن باقىت احمەتوۆ. قولى كۇيىپ, دەنەسىنىڭ ۇسىك شالعانىن ەلەر ەمەس, ءدىن امان ورالعانىنا قۋانىشتى.
قىس كارىنە مىنگەلى وبلىس قۇتقارۋشىلارى مەن شەكاراشىلار 900-دەن استام ادامدى, 300-گە جۋىق تەحنيكانى قار قۇرساۋىنىن قۇتقارعان.
ءومىر ەسقالي.
دەرەك: سولتۇستىك قازاقستان وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
سۋرەت: news.nur.kz.