پرەزيدەنت قاسىم-جومارت توقاەۆ ءۇندىستاننىڭ گانديناگار قالاسىندا وتكەن حالىقارالىق جارىستا الەم چەمپيونى اتانعان قازىبەك نوگەربەككە قۇتتىقتاۋ جەدەلحاتىن جولدادى, دەپ جازادى Egemen.kz.
«ەل نامىسىن قورعاپ, ۇزدىك شاحماتشى رەتىندە گروسسمەيستەر دارەجەسىن يەلەنىپ, جەڭىمپاز اتانۋ – زور جەتىستىك. ۇلتىمىزدىڭ ابىرويىن اسقاقتاتاتىن ءوزىڭ سياقتى العىر دا اقىلدى ۇرپاقتىڭ ءوسىپ كەلە جاتقانى قۋانتادى. الداعى ۋاقىتتا دا جارقىن جەڭىستەرگە جانە ارمان-ماقساتتارىڭا جەتە بەرۋىڭە تىلەكتەسپىن», دەلىنگەن جەدەلحاتتا.