كەشە پالاتا توراعاسى قابيبوللا جاقىپوۆتىڭ توراعالىعىمەن ءماجىلىس بيۋروسى ءوتىپ, وندا الداعى جالپى وتىرىستىڭ كۇن ءتارتىبى ناقتىلاندى, دەپ حابارلادى ءماجىلىستىڭ ءباسپاسوز قىزمەتى.
پالاتا ساقتاندىرۋ جانە يسلامدىق قارجىلاندىرۋ ماسەلەلەرى بويىنشا زاڭنامالىق جاڭا ەنگىزىلىمدەردى ەكىنشى وقىلىمدا قارايدى.
سونداي-اق, دەپۋتاتتار تالقىسىنا قازاقستان مەن ماجارستان اراسىنداعى ولاردىڭ مەملەكەتتەرىنىڭ اۋماعىندا زاڭسىز تۇراتىن ادامداردىڭ رەادميسسياسى تۋرالى ۇكىمەتارالىق كەلىسىمدى جانە مۇگەدەكتەردىڭ قۇقىقتارى تۋرالى كونۆەنتسيانى راتيفيكاتسيالاۋعا قاتىستى قۇجاتتار ۇسىنىلىپ وتىر.
وسى كۇنى ماجىلىسمەندەر ءبىرقاتار جاڭا زاڭ جوبالارى بويىنشا قورىتىندى ازىرلەۋ مەرزىمىن انىقتايدى. ولاردىڭ قاتارىندا كاسىپكەرلىك پەن ازاماتتىق پروتسەستىك تۋرالى كودەكستەر, سونداي-اق, ءوزىن ءوزى رەتتەۋ, باعالى مەتالدار مەن اسىل تاستار, اۋىل شارۋاشىلىعى كووپەراتسياسى, مەملەكەتتىك-جەكەشەلىك ارىپتەستىك تۋرالى زاڭ جوبالارى بار.
سونىمەن قاتار, جالپى وتىرىستا مەملەكەتتىك ساتىپ الۋ, ەكولوگيالىق ماسەلەلەر بويىنشا ءتۇزەتۋلەر ەنگىزۋگە قاتىستى جانە رەادميسسيا تۋرالى قازاقستاندىق-بەلورۋستىق ۇكىمەتارالىق كەلىسىمدى راتيفيكاتسيالاۋ بويىنشا قورىتىندى ازىرلەۋ مەرزىمى تاعايىندالادى.