الماتى قالالىق ونكولوگيا ورتالىعىندا الماتى قالالىق اكىمدىگىنىڭ قولداۋىمەن ينتەروپەراتسيالى ساۋلەلى تەراپيا جۇرگىزۋگە ارنالعان ءLىAC 10 MEY قۇرىلعىسى ورناتىلدى. وسىعان وراي ورتالىقتا يتاليالىق مامانداردىڭ قاتىسۋىمەن يولت قولدانۋعا ارنالعان شەبەرلىك سىنىبىنا ەلىمىزدىڭ قالالىق, اۋداندىق, ايماقتىق ونكولوگيالىق ديسپانسەرلەردىڭ باس دارىگەرلەرى, حيرۋرگتەر مەن راديولوگتار قاتىستى.
الماتى قالالىق ونكولوگيا ورتالىعىندا جىلىنا 1500 وپەراتسيا جاسالاتىن بولسا, سونىڭ 500-ءى ينتەروپەراتسيالىق ساۋلەلى تەراپيانى قاجەت ەتەدى ەكەن. ەندەشە, ساۋلەلى تەراپيا بۇگىندە قاتەرلى ىسىك اۋرۋلارىن ەمدەۋدىڭ ەڭ ءتيىمدى ءتاسىلى بولىپ تابىلادى. وسى اتى جامان اۋرۋعا شالدىققانداردىڭ 80 پايىزى ساۋلەلى ەمدى قاجەت ەتەتىنىن ەسكەرسەك, ساۋلەلى تەراپيا, اسىرەسە, وكپەنىڭ, جۇتقىنشاقتىڭ, اسقازان, باس پەن مويىن جانە تىك ىشەك, جاتىر موينى, ءسۇت بەزىنىڭ قاتەرلى ىسىگىندە ءجيى قولدانىلادى.
بۇگىندە يولت نەمەسە ينتەروپەراتسيالىق ساۋلەلى تەراپيا ازيا, ەۋروپا مەن امەريكاداعى كوپتەگەن كلينيكالارىندا پايدالانىلادى. ال بۇل ءتاسىل ءبىرىنشى رەت قازاقستاندا, ونىڭ ىشىندە الماتى قالالىق ونكولوگيا ورتالىعىندا تۇڭعىش رەت قولدانىلماق. قاتەرلى ىسىك اۋرۋلارىنا شالدىققان قالا تۇرعىندارىنىڭ دەنساۋلىعىن جاقسارتۋمەن قاتار, ءومىر جاسىن ۇزارتۋعا سەپتىگى مول ءLىAC 10 MEY قۇرال-جابدىعىن ساتىپ الۋعا الماتى قالالىق اكىمدىگى قولداۋ كورسەتىپتى.
الماتى قالاسىنىڭ باس ونكولوگى, قالالىق ونكولوگيا ورتالىعىنىڭ باس دارىگەرى ديليارا قايداروۆانىڭ ايتۋىنشا, بۇل قۇرىلعىنى قولدانۋ ارقىلى الداعى ۋاقىتتا قاتەرلى ىسىك اۋرۋلارىنان بولاتىن ءولىم-ءجىتىمدى ازايتىپ, دەرتكە شالدىققان ناۋقاستاردىڭ ءومىر جاسىن ۇزارتۋعا قول جەتكىزبەك. وعان شەتەلدىك ارىپتەستەرىمىزدىڭ ءىس-تاجىريبەلەرى دالەل بولا الادى. وسى يولت ءتاسىلىن قولدانۋ ارقىلى يتاليالىق ارىپتەستەرىمىز ماسەلەن, ءبىر عانا ۇيقى بەزىنىڭ قاتەرلى ىسىگىنەن بولاتىن ءولىم-ءجىتىمدى تومەندەتىپ, وپەراتسيادان كەيىنگى ءومىر ءسۇرۋ مۇمكىندىكتەرىن 8 پايىزدان 24 پايىزعا ارتتىرۋعا قول جەتكىزگەن. بولاشاقتا ءبىز دە وسىنداي جەتىستىكتەرگە قول جەتكىزەمىز دەپ ويلايمىز. وعان ماماندارىمىزدىڭ مۇمكىندىگى مول, دەيدى قالانىڭ باس ونكولوگى.
گۇلزەينەپ سادىرقىزى,
«ەگەمەن قازاقستان».