شىمكەنتتە ەرەكشە كۇتىمدى قاجەت ەتەتىن بالالارعا ارنالعان پسيحونەۆرولوگيالىق مەديتسينالىق-الەۋمەتتىك مەكەمە اشىلىپ, بالالاردى قابىلداي باستادى. كۇندىزگى جارتىلاي ستاتسيونار 50 ورىنعا لايىقتالعان.
ادام تاعدىرىن سۇراپ المايدى. بۇل بالاقايلاردىڭ سىرت كوزگە سۇيەلدەي كورىنىپ, تار بولمەدە قامالىپ وتىراتىنداي جازىعى جوق. ولار دا بار مۇشەسى تۇگەل, اقىل-ەسى ءبۇتىن قۇرداستارىنداي جاقسى ءومىر سۇرۋگە قۇقىلى. بۇل تۋرالى عيماراتتى اشۋ سالتاناتىندا وبلىس اكىمىنىڭ ورىنباسارى ەرلان ايتاحانوۆ قاداپ ايتتى.
– وسى جاڭا مەديتسينالىق مەكەمەنiڭ اشىلۋى كوپتەگەن بالالار مەن ولاردىڭ اتا-انالارىن قۋانىشقا كەنەلتەدi دەپ ويلايمىن. وسى ساناتتاعى بالالاردىڭ سانى جانە ولاردىڭ اتا-انالارىنىڭ سۇرانىسىن ەسكەرە وتىرىپ, بىلتىر وبلىس قازىناسىنان اتالمىش عيماراتتىڭ قۇرىلىسىنا 152,7 ميلليون تەڭگە بولiنگەن. ەندi, مiنە, ەرەكشە كۇتiمدi قاجەت ەتەتiن بالاقايلار ەلباسى قامقورلىعىنىڭ جەمiسiن كورەدi, – دەدi ول.
مۇندا 1 جاستان 18 جاسقا دەيىنگى بالالاردىڭ ەم الۋىنا, ءبىلىم الۋىنا مۇمكىندىك بار. ال وركەنيەتتى ەلدەردە بۇل ماسەلە تۇبەگەيلى شەشىلگەن.
دەنەسىندە, اقىل-ەسىندە اقاۋى, مۇكىستىگى بار ادامدار مۇمكىندىگىنشە قوعامدىق جۇمىسپەن قامتىلادى, بارلىق ورتادا ەركىن جۇرە الادى. مىنە, سونداي جاقسىلىقتاردى ءبىزدىڭ بالالار دا كورە باستادى.
باقتيار تايجان,
«ەگەمەن قازاقستان».
شىمكەنت.