2023 جىلى جەلتوقسان ايىنىڭ سوڭىندا پەتروپاۆلدا ءۇش ادامنىڭ ءومىرىن جاۋىزدىقپەن قيعان قىلمىس قوعامدى ءدۇر سىلكىندىرگەن ەدى. كۇدىكتىلەر باستىپقىدا قىلمىستى مويىنداماعانمەن, كريميناليست سەرگەي ماتۆەەۆ قىزمەتتە قىراعىلىق تانىتىپ قىلمىستىڭ ءىزىن اشتى, دەپ جازادى Egemen.kz polisia.kz-كە سىلتەمە جاساپ.
وقيعا ورنىن قاراپ-تەكسەرۋ كەزىندە باس كريميناليست سەرگەي ماتۆەەۆ قىلمىس ىزدەرىنىڭ مۇقيات جويىلعانىنا نازار اۋداردى.
الايدا كاسىبي ماماننىڭ قىراعىلىعىنىڭ ارقاسىندا بولمەدەگى ەدەننەن اياق كيىمنىڭ قاندى ىزدەرىن بايقاپ قالادى.
وسى قىلمىستى جاسادى دەگەن كۇدىكپەن وبلىس ورتالىعىنىڭ ەكى تۇرعىنى ۇستالعانىمەن, ولار ايىپتى مويىنداماعان ەدى.الايدا كريميناليست سەرگەي ماتۆەەۆ وقيعا ورنىنان الىنعان اياق كيىم ءىزى مەن كۇدىكتى ادامداردىڭ ءبىرىنىڭ اياق كيىمىنە سالىستىرمالى زەرتتەۋ جۇرگىزۋ كەزىندە قىلمىسكەردى انىقتادى. زەرتتەۋ بىردەن وڭ ناتيجە بەردى.
وسىلايشا, باس كريميناليستىڭ ەڭبەگى كۇدىكتىلەرگە جاساعان قىلمىسىن مويىنداتتى. قازىرگى ۋاقىتتا ۇستالعان ادامدار سوت شەشىمىن كۇتىپ جاتىر.