وتانداسىمىز, كاسىپقوي بوكسشى WBO جانە IBF تۇجىرىمى بويىنشا ورتا سالماقتاعى الەم چەمپيونى جانىبەك ءالىمحان ۇلى (15-0, 10 كو) ESNews ارناسىنا بەرگەن سۇحباتىندا كەزەكتى رەت رينگكە قاشان شاعاتىنىن ايتتى, دەپ جازادى Egemen.kz kaz.inform.kz-كە سىلتەمە جاساپ.
جانىبەك ءالىمحان ۇلى 15 ماۋسىم كۇنى لاس-ۆەگاستاعى Palm Casino Resort كەشەنىندە بوكس كەشى وتەتىنىن, سول باسەكەدە جۇدىرىقتاسىتىنىن جاريالادى.
الايدا WBO جانە IBF تۇجىرىمى بويىنشا ورتا سالماقتاعى الەم چەمپيونى قارسىلاسى كىم بولاتىنىن ايتپادى.
ايتا كەتەيىك, بۇعان دەيىن امەريكالىق سپورت ساراپشىلارى وتانداسىمىزدىڭ مىندەتتى قارسىلاسى رەتىندە جاڭازەلانديالىق اندرەي ءميحايلوۆيچتى (21-0, 13 كو) اتاعان ەدى.
ال جانىبەك ءالىمحان ۇلى كەيىنگى جەكپە-جەگىن 2023 جىلدىڭ قازان ايىندا وتكىزىپ, جەڭىسكە جەتتى.