قازاقستان تاريحىنداعى ەركىن كۇرەستەن تۇڭعىش الەم چەمپيونى ريزابەك ايتمۇحان وليمپيادا ليتسەنزياسىن ساراپقا سالۋى مۇمكىن, دەپ حابارلايدى Egemen.kz.
اقپان ايىندا ريزابەك ايتمۇحان قازاقستان چەمپيوناتىنىڭ فينالىندا الىشەر ەرعاليدەن جەڭىلىپ قالعان ەدى. ەندى تاجىريبەلى بالۋان ۇلتتىق قۇراما ساپىندا ىرىكتەۋ تۋرنيرىنە بارادى.
«ريزابەكتىڭ ليتسەنزيا ءۇشىن تالاسۋعا مۇمكىندىگى بار. ەندى ەرعالي بىشكەككە ازيانىڭ ىرىكتەۋ تۋرنيرىنە بارادى. ودان كەيىن تۇركيادا وتەتىن الەمدىك ليتسەنزيالىق تۋرنيردە تاعى ءبىر مۇمكىندىك بولادى. الىشەر بىشكەكتە ليتسەنزيا الماسا, ايتمۇحاننىڭ وعان بارۋعا مۇمكىندىگى بار», دەدى قازاقستان چەمپيونىنىڭ بۇرىنعى باپكەرى ەدۋارد بازروۆ.
ريزابەكتى الەم چەمپيوناتىندا جەڭىسكە دايىنداعانداردىڭ ءبىرى – ەدۋارد بازروۆ. ال ايتمۇحاندى ەل بىرىنشىلىگىنە باسقا كوماندا دايىنداپ جاتقانى بەلگىلى بولدى.
«جەلتوقسان ايىندا وسەتياداعى وقۋ-جاتتىعۋ جيىنىنان كەيىن مەن ريزابەكپەن جۇمىستى توقتاتتىم. سوندا مەن جەكە سەبەپتەرگە بايلانىستى ىنتىماقتاستىقتى توقتاتامىز دەپ ءوزىم شەشىم قابىلدادىم. مەن باستاماشى بولدىم, بۇل مەنىڭ شەشىمىم», دەدى مامان.
جاتتىقتىرۋشى ەدۋراد بازروۆ شاۆكات راحمونوۆ پەن اسۋ الماباەۆتى جاتتىقتىراتىن Dar Team قۇرامىندا جۇمىس ىستەيدى.
ايتا كەتەيىك, ەركىن كۇرەس بالۋانى ريزابەك ايتمۇحان سەربيادا وتكەن الەم چەمپيوناتىندا تاريحي التىندى جەڭىپ العان ەدى.