جوعارعى سوت جشس-ءنى بانكروت دەپ تانۋ تۋرالى ارىزدى قاناعاتتاندىرۋدان باس تارتتى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
قۇرامىندا توراعالىق ەتۋشى ن.ك.ءشارىپوۆ, سۋديالار ب.ر.ەراليەۆا مەن ن.ق.سۇلتانوۆ بار جوعارعى سوتتىڭ ازاماتتىق ىستەر جونىندەگى سوت القاسى جشس-ءنىڭ بانكروت دەپ تانۋ تۋرالى ارىزىنا قاتىستى ازاماتتىق ءىس بويىنشا جەرگىلىكتى سوتتاردىڭ سوت اكتىلەرىن قايتا قاراۋ تۋرالى بانكتىڭ ءوتىنىشحاتىن قارادى.سەرىكتەستىك 23 ميلليون تەڭگەدەن استام سالىق بەرەشەگىنىڭ بار ەكەنىن جانە ونى وتەي المايتىنىن العا تارتىپ, بانكروت دەپ تانۋ تۋرالى سوتقا ارىزبەن جۇگىنگەن.
ءبىرىنشى ساتىداعى سوت بورىشكەردىڭ ارىزىن قاناعاتتاندىرعان. اپەللياتسيالىق سوت القاسى شەشىمدى كۇشىندە قالدىرعان. ءوتىنىشحاتتا بانك بۇرىن قابىلدانعان سوت اكتىلەرىنىڭ كۇشىن جويىپ, ارىزدى قاناعاتتاندىرۋدان باس تارتۋ تۋرالى جاڭا شەشىم قابىلداۋدى سۇراعان.باسقارمانىڭ سوڭعى يەسى سەرىكتەستىكتى 11 قازاندا ساتىپ العانى جانە 2021 جىلعى 25 قازاندا ونى بانكروت دەپ تانۋ تۋرالى سوتقا ارىزبەن جۇگىنۋگە شەشىم قابىلداعانى انىقتالدى.
سوتقا جۇگىنگەن كەزدە ارىزدانۋشى ءوزىنىڭ دارمەنسىزدىگىن جانە بيۋدجەتكە 23 ملن تەڭگە كولەمىندە سالىق بەرەشەگىن وتەي المايتىنىن كورسەتكەن. الايدا كەيىننەن ونىڭ باسقا دا كرەديتورلىق بەرەشەگى بارى انىقتالدى. ونىڭ ەكىنشى دەڭگەيلى ەكى بانككە 45 ميلليون تەڭگەگە, جالدامالى جۇمىسشىلارعا 53 ميلليون تەڭگەگە جانە ازاماتتىق-قۇقىقتىق مىندەتتەمەلەر بويىنشا 100 ميلليون تەڭگەگە جۋىق باسقا دا بەرەشەگى بار بولىپ شىقتى.
سونىمەن قاتار سالىق ورگانىنىڭ ەلەكتروندىق شوت-فاكتۋرالاردىڭ اقپاراتتىق بازاسىنان بەرىلگەن اقپارات بويىنشا جشس 2020 جىلعى ناۋرىزدان 2023 جىلعى ناۋرىزعا دەيىنگى 3 جىل ىشىندە 12 جەتكىزۋشىمەن 1,7 ملرد تەڭگەدەن استام سوماعا ساتىپ الۋ اينالىمىن جۇرگىزگەن.
جوعارىدا اتالعان فاكتىلەر ارىز بەرۋشىنىڭ ونىڭ دارمەنسىزدىگى تۋرالى دالەلدەرىن جوققا شىعارادى. سوندىقتان جوعارعى سوتتىڭ سوت القاسى جشس-ءنى بانكروت دەپ تانۋ تۋرالى ارىزدى قاناعاتتاندىرۋدان باس تارتتى.