27-28 قاڭتار كۇندەرى استانادا «روزا باعلانوۆا اتىنداعى «قازاقكونتسەرت» مەملەكەتتىك كونتسەرتتىك ۇيىمىندا «الدار كوسە» ميۋزيكلى وتەدى, دەپ جازادى Egemen.kz ۇيىمنىڭ ءباسپاسوز قىزمەتىنە سىلتەمە جاساپ.
«الدار كوسە» ميۋزيكلىنىڭ پرەمەراسىن 2022 جىلدىڭ جەلتوقسان ايىندا «Astana Musical» مەملەكەتتىك تەاترى ۇسىنعان ەدى.
قويىلىمنىڭ سيۋجەتىندە قازاق حالقىنىڭ جارقىن, قىزىقتى جانە تاعىلىمدى كورىنىسى باياندالادى. سونداي-اق ميۋزيكل حالىق باتىرىنىڭ ماڭگىلىك بەينەسىن جاساۋعا, مىقتى تۇلعا رەتىندە قالىپتاستىرۋعا, ادامگەرشىلىك-رۋحاني قۇندىلىقتاردى, دانالىق پەن تاپقىرلىقتى دارىپتەۋگە باعىتتالعان. باستى كەيىپكەر كەدەيلەردى ز ۇلىمدىق پەن ساراڭ بايلاردان قورعاپ جۇرەدى. ءارى شاپشاڭ, ءارى جۇيرىك الدار كوسە ۇنەمى قيىن جاعدايلاردان شىعىپ كەتۋگە تىرىسادى. بۇل جولى وقيعا كەيىپكەرىنە ۇلكەن جاۋاپكەرشىلىك جۇكتەلەدى, ويتكەنى حالىقتى تاعاي حاننىڭ ادىلەتسىز بيلىگىنەن امان الىپ قالۋى تىكەلەي وزىنە بايلانىستى. ول بارلىق قيىندىقتى جەڭە الا ما, وتكىر اقىلى مەن ەپتىلىگىنە بۇل جولى قانشالىقتى سەنىم ارتاتىنى باياندالماق.
ميۋزيكلدىڭ قويۋشى-رەجيسسەرى – «Astana Musical» مەملەكەتتىك تەاترىنىڭ كوركەمدىك جەتەكشىسى ەسلام نۇرتازين, قويىلىمنىڭ اۆتورلارى – ەفرات شاريپوۆ, شىڭعىس مامان, ەسلام نۇرتازين, ءانناس باعدات, كومپوزيتور – ەربول ناريمان ۇلى, اقجول ومىرزاقوۆ.