اباي وبلىسى, اقسۋات اۋدانى, ەكپىن اۋلىندا 150 ادامدىق جاڭا مادەني نىسان بوي كوتەرىپ, جەرگىلىكتى تۇرعىنداردىڭ قولدانىسىنا بەرىلدى, دەپ حابارلايدى, Egemen.kz.
جاڭا ونەر وشاعىنىڭ لەنتاسى قيىلىپ, ساحنا شىمىلدىعى الماتى قالاسىنان ارنايى بارعان ASSYLTAS تەاترىنىڭ «ارەنا» قويىلىمىمەن ءتۇرىلدى.
سۋ جاڭا نىساننىڭ ساحناسىندا ەلگە تانىمال دۋلىعا اقمولدا باستاعان الماس شاياحمەت, جانارگۇل جانىمان سىندى ارتىستەر ونەر كورسەتتى. وسىنداي ۇلكەن عيماراتتىڭ بوي كوتەرىپ, حالىق يگىلىگىنە پايدالانۋعا بەرىلگەنى, ساحنا تورىندە رەسپۋبليكالىق دەڭگەيدەگى اتاقتى ارتىستەردىڭ ونەر كورسەتۋى اۋىل تۇرعىندارىنا زور قۋانىش سىيلادى.
حالىقتىڭ ىقىلاسى رەتىندە اباي وبلىسى, اقسۋات اۋدانى اكىمى اسحات سايداحمەت ۇلى مەن جەرگىلىكتى كاسىپكەرلەر حالىق ءارتىسى دۋلىعا اقمولداعا, «ارەنا» سپەكتاكلىنىڭ اۆتورى مەن رەجيسسەرى باقىت بەدەلحان مەن ەلىك نۇرسۇلتانعا, قويىلىمدا باستى ءرولدى سومداعان جانداربەك سادىرباەۆ پەن تەاتر جەتەكشىسى راۋان وقاستىڭ استىنا ات مىنگىزىپ, قۇرمەت كورسەتتى.