شىعىس قازاقستان وبلىسىنا قاراستى زايسان اۋدانىندا قوعامدىق مونشادا جىلۋ قازاندىعى جارىلىپ, 1 ادام قايتىس بولدى, دەپ حابارلايدى Egemen.kz شقو توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.
دەپارتامەنت دەرەگىنشە, وقيعا وسى ايدىڭ 14-ءى كۇنى زايسان قالاسىنىڭ بوقاجانوۆ كوشەسىندە بولعان.
قوعامدىق مونشادا قاتتى وتىنمەن جۇمىس ىستەيتىن جىلۋ قازاندىعى جارىلعان.
«جەدەل جاردەم ەكى ەر ادامدى مەديتسينالىق مەكەمەگە جەتكىزدى. قازاندىق جارىلعان مەزەتتە مونشا ىشىندە ادامدار بولماعان. تجد قىزمەتكەرلەرى جارتىلاي قۇلاعان عيماراتتى تازالاپ جاتىر», دەلىنگەن حابارلامادا.