ۆيدەومونيتورينگ جۇيەسىن كەڭەيتۋ جوباسى بويىنشا الماتىداعى ناۋرىزباي اۋدانىندا ازاماتتار كوپ جينالاتىن جەرلەردە جىل سوڭىنا دەيىن 900 جاڭا ۆيدەوكامەرا ورناتىلادى. بۇل تۋرالى ناۋرىزباي اۋدانىنىڭ تۇرعىندارىمەن كەزدەسۋدە قالا اكىمى ەربولات دوساەۆ ايتتى, دەپ حابارلايدى Egemen.kz الماتى قالاسى اكىمدىگىنىڭ ءباسپاسوز قىزمەتىنە سىلتەمە جاساپ.
ەربولات دوساەۆتىڭ ايتۋىنشا, ناۋرىزباي اۋدانىندا جىل سوڭىنا دەيىن 900 جاڭا ۆيدەوكامەرا ورناتىلادى. ونىڭ ىشىندە اۋلالاردا – 565, قيىلىستاردا – 295, ساياباقتار مەن سكۆەرلەردە – 40 كامەرا.
قالا اكىمى اتاپ وتكەندەي, بۇل قالا تۇرعىندارىنىڭ قاۋىپسىزدىگىن ەداۋىر ارتتىرۋعا مۇمكىندىك بەرەدى.