رەسەي فەدەراتسياسىنىڭ توتەنشە جاعدايلار مينيسترلىگى حابارلاعانداي, تىكۇشاق بورتىندا 13 جولاۋشى بولعان, دەپ جازادى Egemen.kz.
مي-8 تىكۇشاعى قازاقستانمەن شەكارادا ورنالاسقان التاي رەسپۋبليكاسى, كوكسۋ اۋدانى تىڭعىر ەلدى مەكەنىندە قونىپ, ورتەنىپ كەتتى.
بۇل تۋرالى رەسەي توتەنشە جاعدايلار مينيسترلىگىنىڭ التاي رەسپۋبليكاسى بويىنشا باس باسقارماسىنىڭ Telegram-ارناسى حابارلاعان.
«وقيعا ورنىندا ءورت ءسوندىرۋ جانە اۆاريالىق-قۇتقارۋ بولىمشەلەرى جۇمىس ىستەپ جاتىر. قوسىمشا اقپارات انىقتالىپ جاتىر», دەلىنگەن حابارلامادا.الدىن الا بولجام بويىنشا, تىكۇشاق ەلەكتر سىمدارىنا تيگەن.
رەسەي توتەنشە جاعدايلار مينيسترلىگىنىڭ مالىمەتى بويىنشا, مي-8 بورتىندا 13 ادام بولعان. ونىڭ التاۋى كوز جۇمعان.