«Sincere System Group» (S-Group) كومپانياسىنىڭ وكىلدەرىنە قاتىستى قارجىلىق پيراميدا قۇرىپ, ونى باسقاردى دەگەن كۇدىكپەن سوتقا دەيىنگى تەرگەۋ باستالدى, دەپ حابارلايدى Egemen.kz قر قارجىلىق مونيتورينگ اگەنتتىگىنىڭ ءباسپاسوز قىزمەتىنە سىلتەمە جاساپ.
«قىزمەتكەرلەر بەلسەندى ازاماتتاردىڭ قاتىسۋىمەن كومپانيانىڭ قىزمەتىن ەرتە كەزەڭدە توقتاتتى. بۇل الدانعان ينۆەستورلاردىڭ سانىن ازايتۋعا مۇمكىندىك بەردى. S-Group كومپانياسىنىڭ وكىلدەرى سالىمشىلارعا ايىنا 6%-دان 8%-عا دەيىن نەمەسە جىلىنا 70%-دان استام جوعارى كىرىسكە ۋادە بەرگەن. دەپوزيتتىڭ ەڭ تومەنگى سوماسى $100 قۇرايدى. سونداي-اق سالىمشىلاردى ءوز ارتىنان تارتقان جاعدايدا سومانىڭ 5 پايىزى كولەمىندە كەپىلدەندىرىلگەن كىرىس قاراستىرىلعان. بۇل رەتتە كليەنتتەرگە اقشانى قابىلداۋ فاكتىسىن راستايتىن قۇجاتتار مەن كەلىسىمدەر ۇسىنىلماعان, سالىم سوماسى جەكە كابينەتتە تسيفرلىق تۇردە كورسەتىلىپ, سالىنعان قاراجاتتى الۋ مۇمكىندىگى بولماعان», دەپ حابارلادى ۆەدومستۆو.
قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىگە قاتىستى «قاماۋ تۇرىندەگى» بۇلتارتپاۋ شاراسى سانكتسيالاندى.
قما قىزمەتكەرلەرى قر كونستيتۋتسياسىنىڭ 77-بابىنىڭ 3-تارماعىنىڭ 1-تارماقشاسىنا جانە قر قىلمىستىق-پروتسەستىك كودەكسىنىڭ 19-بابىنىڭ 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەتىنىن ەسكە سالدى.