الماتىدا ءبىر توپ جەكە تۇلعالار كريپتوۆاليۋتالاردى ساتىپ الۋ جەلەۋىمەن جالپى سوماسى 20 300 اقش دوللارى بولاتىن جالعان 100 دوللارلىق كۋپيۋرالاردى ساتۋدى كوزدەگەن, دەپ حابارلايدى Egemen.kz قارجى مونيتورينگ اگەنتتىگىنىڭ ءباسپاسوز قىزمەتىنە سىلتەمە جاساپ.
قما ءباسپاسوز قىزمەتى بەرگەن اقپاراتقا سايكەس, ساقتاۋ جانە ساتۋعا ارەكەت جاساۋ فاكتىسىن قما الماتى قالاسى بويىنشا دەپارتامەنتىنىڭ قىزمەتكەرلەرى انىقتادى.
كولىك قۇرالىن تەكسەرۋ بارىسىندا ۇستالعانداردىڭ بىرىنەن 3 دانا جاساندى 100 اقش دوللارى قولما-قول اقشا تابىلىپ, تاركىلەندى.
«مامانداردىڭ قورىتىندىسىنا سايكەس, زەرتتەۋگە ۇسىنىلعان 2006 جانە 2017 جىلعى ۇلگىدەگى جالپى سوماسى 20 600 دوللارىن قۇرايتىن بانكنوتتار اقش فەدەرالدىق رەزەرۆتىك بانكى شىعارعان بانكنوتتارعا سايكەس كەلمەيدى», دەپ حابارلادى ۆەدومستۆونىڭ ءباسپاسوز قىزمەتى.قازىرگى ۋاقىتتا سوتقا دەيىنگى تەرگەۋ امالدارى باستالىپ, كۇدىكتىلەرگە قاتىستى قاماۋ تۇرىندەگى بۇلتارتپاۋ شاراسى سانكتسيالاندى.
قر كونستيتۋتسياسىنىڭ 77-بابىنىڭ 3-تارماعىنىڭ 1-تارماقشاسىنا جانە قر قىلمىستىق-پروتسەستىك كودەكسىنىڭ 19-بابىنىڭ 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.