الماتىدا ەكى تروللەيبۋستىڭ باعىتى ۋاقىتشا وزگەردى, دەپ حابارلايدى Egemen.kz.
الماتى قالالىق موبيلدىلىك باسقارماسىنىڭ مالىمەتىنە سۇيەنسەك, جىلۋ جەلىلەرىن جوندەۋ جۇمىستارىنان گاگارين داڭعىلىندا جول جابىندىسىنىڭ زاقىمدالۋىنا بايلانىستى 30 ماۋسىمنان باستاپ №1 جانە №9 تروللەيبۋستىڭ باعىتى ۋاقىتشا وزگەردى.
«گاگارين داڭعىلىنىڭ ەسقاراەۆ كوشەسىنەن حودجانوۆ كوشەسىنە دەيىنگى بولىگىندە №1 جانە №9 مارشرۋتتاردىڭ سىزباسىنا ۋاقىتشا وزگەرىس ەنگىزىلدى. تروللەيبۋستار تيميريازەۆ كوشەسىنىڭ باتىسىمەن – روزىباكيەۆ كوشەسىنىڭ وڭتۇستىك جاعىمەن – بەرەزوۆسكي كوشەسنىڭ شىعىس جاعىمەن – گاگارين داڭعىلىنىڭ سولتۇستىك بولىگىمەن, ودان ءارى مارشرۋت بويىنشا جۇرەدى», دەلىنگەن حابارلامادا.