استانا قالاسىنىڭ 25 جىلدىعىنا وراي III حالىقارالىق «قۇرالاي» قۋىرشاق تەاترلارى فەستيۆالى وتەدى, دەپ حابارلايدى Egemen.kz.
اتالمىش فەستيۆال العاش رەت 2015 جىلدىڭ 29 ماۋسىمى مەن 2 شىلدە ارالىعىندا ءوتىپ, 2018 جىلى جالعاسىن تاپتى.
ەلوردانىڭ قۋىرشاق تەاترى اشىلعان كۇننەن باستاپ الەمدىك تەاترلارمەن تىعىز قارىم-قاتىناس ورناتا باستادى. بۇل كۇنگە دەيىن استانانىڭ قۋىرشاق تەاترى ەكى مارتە تەاتر فەستيۆالىن وتكىزىپ, كوپتەگەن حالىقارالىق تەاتر دودالارىنا قاتىسىپ, تۇعىر بيىگىنەن كورىندى.
فەستيۆالدىڭ باستى ماقساتى - تاعىلىم تامشىسى بولعان قۋىرشاق تەاترى ونەرىن كەڭىنەن دارىپتەۋ, مارتەبەلى مادەنيەتىمىزدى, ونەگەلى ونەرىمىزدى دۇنيەجۇزىنە ناسيحاتتاۋ, الەمدىك تەاترلارمەن شىعارماشىلىق قارىم-قاتىناستى نىعايتىپ, تاجىريبە الماسىپ, شەبەرلىكتى شىڭداۋ. سونداي-اق سابيلەرگە شاتتىق سىيلاپ, بالالارعا رۋحاني-تانىمدىق قويىلىمدار ۇسىنۋ.
ايتا كەتسەك, II حالىقارالىق «قۇرالاي» قۋىرشاق تەاترلارى فەستيۆالىنە قىتاي, پەرۋ, تۇركيا, سەربيا, ەستونيا, رەسەي, وزبەكستان جانە قازاقستاننىڭ قۋىرشاق تەاترلارى قاتىسادى.