كۇزدە قىتايدىڭ حانچجوۋ قالاسىندا وتەتىن 19-شى ازيا ويىندارىنىڭ مەدالى – «حۋشان» رەسمي تۇردە جاريالاندى, دەپ حابارلايدى Egemen.kz.
شان شۋي - ءداستۇرلى قىتاي مادەنيەتى بەينەلەنگەن 2023 جىلعى ازيا ويىندارىنىڭ مەدالى.
ۇيىمداستىرۋشىلار حانچجوۋدا وتەتىن ازيا ويىندارىنىڭ مەدالىن رەسمي تۇردە تانىستىردى. 5 000 جىلدىق قىتاي وركەنيەتىن تانىستىراتىن مەدال ديزاينى كونتينەنتتىك مۋلتيسپورتتىق ءىس-شارا باستالعانعا دەيىن 100 كۇندىك كەرى ساناق شاراسىندا ۇسىنىلدى.
ازيا ويىندارىنىڭ جۇلدەلەرىن تانىستىرۋ ءراسىمى ەجەلگى قىتاي قالاسىنىڭ ارحەولوگيالىق ورنى ليانچجۋدا وت جاعۋ راسىمىمەن قاتار وتكىزىلدى.
مەدالدىڭ ارتقى جاعىندا سپورتشىلاردىڭ ازيا ويىندارىنا قاتىسۋىن بەينەلەيتىن ءتورتبۇرىشتى ءمور بار. سونىمەن قاتار مەدال حانچجوۋدىڭ گەوگرافيالىق ەرەكشەلىكتەرىن دە بىلدىرەدى.
«مەدال حانچجوۋدىڭ تاڭعاجايىپ لاندشافتىنان جاسالعان جانە قالانىڭ ءۇش نەگىزگى كورىكتى جەرلەرىن – باتىس كولدى, ۇلكەن كانالدى جانە ەجەلگى ليانچجۋ قالاسىنىڭ قيراعان ساياباعىن كورسەتەدى. ءبىز مەدالدە حانچجوۋدىڭ سان عاسىرلىق تاريحىن, تەرەڭ مادەنيەتىن جانە ادامزات پەن تابيعاتتىڭ ۇيلەسىمىن ۇسىنىپ وتىرمىز», دەدى قىتاي ونەر اكادەمياسىنىڭ ونەركاسىپتىك ديزاين دەپارتامەنتىنىڭ ديرەكتورى چجان تسزيۋنتسزە.
مەدال تاسپاسى ەكولوگيالىق تازا باسىپ شىعارۋ ادىستەرى مەن بروكاد جاككارد تەحنولوگياسىن قولدانا وتىرىپ قولمەن تىگىلگەن. تاسپانىڭ ىلگەگى يانتسزى وزەنىنىڭ وڭتۇستىگىندە ورنالاسقان تسزياننان ايماعىنىڭ ەرەكشەلىكتەرىن كورسەتەدى.
ەسكە سالا كەتەيىك, 2022 جىلدىڭ قىركۇيەگىنە جوسپارلانعان ازيا ويىندارى قىتايداعى كوروناۆيرۋس پاندەمياسىنا بايلانىستى 2023 جىلعا شەگەرىلگەن ەدى. ازيا ويىندارى وسى جىلدىڭ 23 قىركۇيەگى مەن 8 قازانى ارالىعىندا وتەدى.