الماتى وبلىسىندا بەلگىسىز ەر ادام 8 جاسار قىزدى الداپ, قوناقۇيگە اپارعان, دەپ حابارلايدى Egemen.kz.
جەتكىنشەك قىز وقيعانىڭ ءمان-جايىن ءوزى ايتىپ بەردى. ونىڭ ايتۋىنشا, بەلگىسىز ەر ادام ونى قۇشاقتاپ, بەتىنەن سۇيگەن.
كەيىن كۇدىكتى جول بويىنداعى قوناقۇيگە توقتاپ, بولمە سۇراعان. دۇكەنگە بارىپ, قوبالجىپ تۇرعان قىزدىڭ كوڭىلىن دە اۋلاي باستاعان.- «نۇر-ءالي» دەگەن قوناقۇيگە كىردىك. قوناقۇي قىزمەتكەرىنە 2 000 تەڭگە بەرىپ ەدى, ول بۇل اقشا تەك 1 ساعاتقا عانا جەتەدى دەدى. كەيىن مەنى تاكسيدە قۇشاقتاپ, بەتىمنەن ءسۇيدى. ماعان ونىڭ بۇل ارەكەتى ۇنامادى. دۇكەنگە توقتاپ, ماعان ءتاتتى سۋسىن مەن كامپيت تاياقشاسىن الىپ بەردى. بىراق جۇرگىزۋشى اعايعا ايتۋعا قورىقتىم, - دەدى قىز.
انىقتالعانداي, جەتكىنشەك جازعى لاگەرگە بارماقشى بولعان. ونى 36 جاستاعى كۇدىكتى جەتكىزىپ تاستايمىن دەپ تاكسيگە وتىرعىزعان.
كۋاگەر كۇلاش تەڭەلباەۆانىڭ ايتۋىنشا, قىز ەر ادامنان قورقىپ تۇرعانىن بايقاعان.
«قىزدىڭ جالتاڭداپ تۇرعانىن بايقادىم. ونىمەن اقىرىن سويلەسۋ ءۇشىن ۇيگە الىپ كىردىم. سوندا ەكەۋىمىز قىزعا تالاسىپ قالدىق. ارتىمنان قالماي ءجۇرىپ الدى», دەدى كۋاگەر.
بالام قۇربان بولا جازدادى دەگەن اناسى قازىر دەل-سال كۇيدە. ونىڭ ايتۋىنشا, اكەسى قىزىن ۇنەمى شىعارىپ سالىپ, تاكسيگە ءوزى وتىرعىزىپ جىبەرەتىن.
«تاڭەرتەڭ ساعات 09:00-گە تامان شىعىپ كەتكەن. سودان جۇرەگىم سەزدى مە, بىلمەيمىن, حابارلاسا باستادىم. ءالى كەلمەدى دەدى. بالالارمەن ويناپ قالعان شىعار دەپ ويلادىم. مۇنداي جاعدايدى ەشكىمنىڭ باسىنا تىلەمەيمىن. وسىنداي ارەكەتكە بارعان ادام ەڭ اۋىر جازاسىن السىن», دەيدى قىزدىڭ اناسى ريمما حالمۇراتوۆا.
كۇدىكتى ادام ۇرلاۋ فاكتىسى بويىنشا تەرگەلىپ جاتىر. الايدا جابىرلەنۋشىنىڭ اناسى قىزىن زورلاۋعا وقتالعان دەپ قورقادى. سوندىقتان تەرگەۋدىڭ ءادىل ءوتۋىن قالايتىنىن جەتكىزدى.