پرەزيدەنت سولتۇستىك قازاقستان وبلىسىنىڭ ورتالىعىندا جاڭادان بوي كوتەرگەن قازاق سازدى-دراما تەاترىنىڭ عيماراتىن ارالاپ كوردى. پرەزيدەنت «ماعجان» پەساسىنان ءۇزىندى تاماشالادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
وسى شىعارماشىلىق ۇجىمدا كوپ جىلدان بەرى ەڭبەك ەتىپ كەلە جاتقان تەاتر ديرەكتورى ءبىرجان جالعاسباەۆ ونەر ورداسىنىڭ ۇجىمى بەرتىنگە دەيىن «ەنەرگەتيكتەر سارايىن» پانالاعانىن, وسى جىلدار ىشىندە ءتۇرلى جانردا قويىلىمدار ساحنالاپ, حالىقارالىق, رەسپۋبليكالىق بايقاۋلاردا جۇلدە العانىن جەتكىزدى. ونىڭ ايتۋىنشا, جاڭا عيماراتقا كوشكەن ۇجىم رەپەرتۋارىن جاڭارتۋعا, شەتەلدىك جانە وتاندىق ونەر ۇجىمدارىمەن شىعارماشىلىق بايلانىس ورناتۋعا مۇمكىندىك الدى.