قاسىم-جومارت توقاەۆ سولتۇستىك قازاقستان وڭىرىندە مال شارۋاشىلىعى ونىمدەرىنىڭ ءوندىرىس كولەمىن ارتتىرۋعا مول مۇمكىندىك بار ەكەنىن اتاپ ءوتتى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
ء«بىز ءتۇرلى وندىرىستىك جوبالارعا مىندەتتى تۇردە قولداۋ كورسەتەمىز. الەۋمەتتىك-كاسىپكەرلىك كورپوراتسيالار ارقىلى جەڭىلدىكپەن كرەديت بەرۋ ءوز تيىمدىلىگىن كورسەتتى. ياعني, قارجىلاندىرۋ جاعىنان ماسەلە بولماۋعا ءتيىس. ءسۇت ءوندىرىسىن ءتيىستى دەڭگەيدە ۇيىمداستىرۋ كەرەك. بۇكىل ەل بويىنشا ءوز-ءوزىمىزدى ءسۇت ونىمدەرىمەن قامتاماسىز ەتەتىن دەڭگەيگە جەتۋىمىز كەرەك», دەدى مەملەكەت باسشىسى سولتۇستىك قازاقستان وبلىسىنا جۇمىس ساپارى بارىسىندا.
مەملەكەت باسشىسى ادال ەڭبەگىمەن ەلدى كوركەيتۋگە, حالىقتى ازىق-ت ۇلىكپەن قامتاماسىز ەتۋگە قوسقان ۇلەسى ءۇشىن اۋىل ەڭبەككەرلەرىنە العىس ايتتى.
پرەزيدەنت وبلىس باسشىلىعىنا جاڭا فەرمالاردى ىسكە قوسۋ جانە قولدانىستاعى شارۋاشىلىقتاردىڭ وندىرىستىك قۋاتىن ارتتىرۋ ارقىلى ءسۇت ءوندىرىسى باعىتىنداعى مال شارۋاشىلىعىن ودان ءارى دامىتۋ جونىندە تاپسىرما بەردى.