قازاقستان قور بيرجاسى (KASE) 15:30-داعى جاعداي بويىنشا دوللاردىڭ ورتاشا سارالانعان باعامى 444,44 تەڭگەنى قۇراپ, 2,68 تەڭگەگە كوتەرىلگەنىن حابارلادى, دەپ جازادى Egemen.kz.
قىتاي ءيۋانىنىڭ ورتاشا ولشەنگەن باعامى دا ءوسىپ, 62,70 تەڭگەنى (+0,16) قۇرادى.
ۇلتتىق بانك ەۋرو باعامىن 476,15 تەڭگەگە, ءرۋبلدى 5,51 تەڭگە بەلگىلەگەن.
ايىرباستاۋ پۋنكتتەرىندە دوللاردى 444-448 تەڭگەدەن, ەۋرونى – 477-484 تەڭگەدەن, رەسەي ءرۋبلىن – 5,5-5,62 تەڭگەدەن ساتىپ الادى/ساتادى.
سونىمەن قاتار, نارىقتا الەمدىك مۇناي باعاسى دا ءوستى.
ماسەلەن, ICE Futures ەلەكتروندىق ساۋدا-ساتتىعىندا Brent-تەگى شىلدە فيۋچەرستەرىنىڭ قۇنى 1,55%-عا, باررەلىنە 78,03 دوللارعا دەيىن ءوستى.
NYMEX ەلەكتروندى ساۋدا-ساتتىعىندا WTI مۇناي فيۋچەرستەرى شىلدە ايىندا 1,84%-عا قىمباتتاپ, باررەلىنە 74,25 دوللارعا جەتتى.