ەلوردادا «Astana Venture Club»-تىڭ بولاشاعى زور تەحنولوگيالىق كاسىپكەرلەرگە ينۆەستيتسيا قۇيىپ, قولداۋ كورسەتەتىن «بيزنەس-پەرىشتە» قاۋىمداستىعىنىڭ رەسمي اشىلۋى ءوتتى. وعان ينۆەستورلار, بيزنەس-قاۋىمداستىقتاردىڭ جەتەكشىلەرى, ۆەنچۋرلىق جانە ينۆەستيتسيا سالاسىنىڭ ماماندارى, مەتسەناتتار مەن ەلىمىزدەگى IT-قاۋىمداستىقتىڭ وكىلدەرى قاتىستى.
كلۋبتىڭ ميسسياسى – «Astana Hub» بازاسىندا ۆەنچۋرلىق ينۆەستيتسيا مادەنيەتى مەن ەكوجۇيەنى دامىتۋ. بۇل قارجىلىق الەۋەتىن ارتتىرعىسى كەلەتىن وتاندىق كاسىپكەرلەردى بالامالى ينۆەستيتسيالىق مۇمكىندىكپەن تانىستىرۋ ماقساتىندا قۇرىلعان.
«ەلىمىزدەگى «بيزنەس-پەرىشتەلەردى» قاۋىمداستىقتىڭ ءبىر بولىگى بولۋعا شاقىرامىز. بۇل – مەملەكەتىمىزدەگى جانە شەتەلدىك الەۋەتتى جوبالارعا ينۆەستيتسيا سالۋ ارقىلى ينۆەستيتسيالىق پورتفەلىن كەڭەيتۋگە ۇمتىلعاندارعا تاماشا مۇمكىندىك. پلاتفورمامىزدا ىسكەر «پەرىشتەلەر» وزدەرىنىڭ ينۆەستيتسياسىن بارىنشا ۇلعايتۋعا ەڭ جاقسى ينۆەستيتسيالىق ستراتەگيا مەن تاسىلدەردى ۇيرەنىپ, الەمنىڭ ءار تۇكپىرىنەن كەلگەن ارىپتەستەرىمەن ءبىلىم مەن تاجىريبە الماسادى», دەيدى «Astana Venture Club» نەگىزىن قالاۋشى ءارى جەتەكشىسى نۇراسىل جارباسوۆ.
كىرىسى مەن قارقىنى جوعارى الەۋەتتى ستارتاپتاردى انىقتاپ, ونى ينۆەستيتسيالاۋ ماقساتىندا قۇرىلعان كلۋب ينۆەستورلار, كەڭەسشىلەر, ساراپشىلار مەن تالىمگەرلەر ءۇشىن ءوزارا كومەك پەن قولداۋ ورتاسىن قالىپتاستىرۋعا كۇش سالماق.
«تاماشا يدەيالاردى جۇزەگە اسىرۋ ءۇشىن جوبانىڭ الەۋەتىن باعامداي الاتىن «بيزنەس-پەرىشتە» قاجەت. سوندىقتان ۆەنچۋرلىق ەكوجۇيە ءۇشىن ستارتاپتار مەن كورپوراتسيالار عانا ەمەس, ينۆەستورلار دا اسا ماڭىزدى. بۇل – باستى ماسەلەنىڭ ءبىرى. ويتكەنى ونسىز ەشقانداي دامۋ, نارىقتى جاڭعىرتا الاتىن جاڭا شەشىم جانە يننوۆاتسيالار مەن كومپانيالار دا بولمايدى. ءبىر سوزبەن ايتقاندا, ينۆەستورلار كلۋبىن قۇرۋ ەلدىڭ ۆەنچۋرلىق ەكوجۇيەسىن دامىتۋ جولىنداعى ماڭىزدى قادام», دەدى «INVESTORO» حالىقارالىق ينۆەستورلار ۇيىمىنىڭ پرەزيدەنتى ۆيتالي پولەحين.
«Astana Venture Club» قىزمەتى الەۋەتتى ينۆەستورلاردان «بيزنەس-پەرىشتەلەر» پۋلىن قۇرۋعا, حالىقارالىق دەڭگەيدە بيزنەستىڭ جاڭا مۇمكىندىكتەرىن ىزدەۋگە, جەلىنى دامىتۋعا, كومپانيالاردىڭ پورتفوليوسىن قولداۋعا, تاجىريبە الماسۋعا, اۋىرتپالىقتاردى بىرگە كوتەرۋگە, ينۆەستيتسيالىق تابىستى ارتتىرۋعا باعىتتالعان.
«ۆەنچۋرلىق كاپيتال نارىعىن دامىتۋعا باعىتتالعان «Astana Venture Club»-تىڭ ماقساتى «Astana Hub» مىندەتتەرىمەن سايكەس كەلەدى. سوندىقتان ءبىزدىڭ تەحنوپارك «بيزنەس-پەرىشتەلەرگە» ۆەنچۋرلىق ينۆەستيتسيا الەمىنە ەنۋ مۇمكىندىگىن ۇسىناتىن جانە يننوۆاتسيالىق شەشىمدەرىن ەنگىزۋدە دارىندى IT-كاسىپكەرلەرگە قولداۋ كورسەتەتىن قوعامداستىق قۇرۋ باستاماسىن تولىعىمەن قولدايدى», دەيدى «Astana Hub» حالىقارالىق تەحنوپاركىنىڭ باسقارۋشى ديرەكتورى اباي ابسامەت.
جاقىندا «بيزنەس-پەرىشتەلەر» مەكتەبىنىڭ العاشقى تەگىن يتەراتسياسى وتەدى. سونداي-اق كلۋب اياسىندا تۇراقتى تۇردە ءارتۇرلى ءىس-شارا, سونىڭ ىشىندە مىقتى ساراپشىلاردىڭ قاتىسۋىمەن ستارتاپتاردىڭ پيتچينگى ۇيىمداستىرىلادى.