ۇكىمەت وڭىرلىك جىلۋ ەلەكتر ورتالىقتارى مەن باسقا دا جىلۋ كوزدەرىن الداعى قىسقا دايىنداۋ شەڭبەرىندە كوكشەتاۋ قالاسىنداعى قازاندىقتاردا جوندەۋ جۇمىستارىنا ءوز رەزەرۆىنەن 1,9 ملرد تەڭگەدەن استام قاراجات ءبولدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
قالا تۇرعىندارىن ەكى قازاندىق – 1-اق (1977 ج.) جانە 2-اق (1998 ج.) جىلۋمەن قامتاماسىز ەتەدى. بىرىنشىسىندە جالپى قۋاتى 294 گكال/ساع بولاتىن 3 گاز-مازۋتتى قازاندىعى, ەكىنشىسىندە – قۋاتتىلىعى 280 گكال/ساع بولاتىن 3 ۇنتاق كومىر قازاندىعى ورناتىلعان. بۇگىندە جىلۋ كوزدەرىندەگى جابدىقتار ابدەن توزعان.
قىسقا دايىندىق قارساڭىندا ءتۇتىن مۇرجالارىن, قازاندىق قوندىرعىلارىن, گاز قۇبىرلارىن, اۋا جىلىتقىشتارىن جوندەۋ جانە باسقا دا جۇمىستار جوسپارلانىپ وتىر. ناتيجەسىندە 2023-2024 جىلدارداعى جانە ودان كەيىنگى جىلىتۋ ماۋسىمى ىركىلىسسىز ءوتۋى قاجەت.
ۇكىمەت ءباسپاسوزىنىڭ حابارلاۋىنشا, كوكشەتاۋدىڭ ەنەرگياعا دەگەن ءوسىپ كەلە جاتقان قاجەتتىلىگىن قامتاماسىز ەتۋ ءۇشىن تولىققاندى جىلۋ ەلەكتر ورتالىعىنىڭ قۇرىلىسى پىسىقتالىپ جاتىر.