ەلوردالىق كولىك جانە جول-كولىك ينفراقۇرىلىمىن دامىتۋ باسقارماسى تاعى ءۇش كوشەدە جوندەۋ جۇرگىزىپ جاتىر. وسىعان بايلانىستى جول ۋچاسكەلەرى ۋاقىتشا جابىلادى, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
جۇمىس استانا پد اكىمشىلىك پوليتسيا باسقارماسىنىڭ كەلىسىمى بويىنشا جول قوزعالىسى قاۋىپسىزدىگىن قامتاماسىز ەتۋ ماقساتىندا جۇرگىزىلەدى.ارداگەرلەر كوشەسىندە اسفالتبەتون جابىنىنىڭ جوعارعى قاباتى توسەلىپ جاتىر. وسىعان بايلانىستى 21-23 مامىر ارالىعىندا المالىق كوشەسىنەن ارداگەرلەر كوشەسىنە دەيىنگى ۋچاسكەدە جول قوزعالىسى شەكتەلەدى.
سونداي-اق تاسكەسكەن كوشەسىنىڭ وباعان كوشەسىنەن س.نۇرماعامبەتوۆ كوشەسىنە دەيىنگى ۋچاسكەسىندە جول توسەمىنە ورتاشا جوندەۋ جۇمىسى جۇرگىزىلەدى. مۇندا قوزعالىس 22-25 مامىر ارالىعىندا جابىلادى.سول سياقتى بەكەتاي كوشەسىندە تىلەنديەۆ داڭعىلىنان ا. زاتاەۆيچ كوشەسىنە دەيىن ورتاشا جوندەۋ جۇمىسى باستالدى.
جوعارىدا اتالعان ۋچاسكەلەردە كولىك قۇرالدارىنا ارنالعان قوزعالىس 22-23 مامىر ارالىعىندا تولىعىمەن شەكتەلەدى.ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماس ءۇشىن قوزعالىس باعىتىن الدىن الا جوسپارلاۋى قاجەت.