الماتىدا سوعىس ارداگەرلەرىنە قانداي قولداۋ كورسەتىلەدى؟

الماتى اكىمى ەربولات دوساەۆتىڭ تاپسىرماسى بويىنشا وتكەن جىلدان باستاپ ۇوس ارداگەرلەرى كەلەسى باعىتتار بويىنشا تەگىن مەديتسينالىق كومەك الادى:

جالپى پراكتيكا دارىگەرلەرى مەن ناقتىلى مامانداردىڭ كەڭەيتىلگەن تەكسەرۋى; جالپى كلينيكالىق تالداۋلاردى الۋ; كورسەتكىشتەر بويىنشا تەكسەرۋ, ونىڭ ىشىندە ەكگ, ۋدز, كت جانە مرت; ستاتسيوناردا وڭالتۋ, سونداي-اق ساناتوري-كۋرورتتىق ەمدەۋ; ستوماتولوگيالىق كومەك.

2023 جىلدىڭ باسىنان بەرى تمككك جانە ءمامس اياسىندا ۇوس-نىڭ 3243 قاتىسۋشىسى جانە ولارعا تەڭەستىرىلگەن ادامدار كەڭەيتىلگەن مەديتسينالىق تەكسەرۋدەن ءوتتى. جىل سوڭىنا دەيىن وسى ساناتتاعى الماتىلىقتاردىڭ 100% - ى كەڭەيتىلگەن مەديتسينالىق تەكسەرۋدەن وتەدى.

بارلىق  جۇرە المايتىن ناۋقاستاردى اي سايىن ۋچاسكەلىك دارىگەرلەر نەمەسە مەدبيكەلەر تەكسەرەدى. ءدارى-دارمەكتەردى ۇيگە تەگىن جەتكىزۋ ۇيىمداستىرىلدى. جىل سوڭىنا دەيىن 3900-دەن استام وزدىگىنەن جۇرە  المايتىن پاتسيەنت ۇيىندە تولىق مەديتسينالىق تەكسەرۋدەن وتەدى.

بيىل 673 پاتسيەنتكە ستوماتولوگيالىق كومەك  كورسەتىلدى. وسى ماقساتتار ءۇشىن ۇوس ارداگەرلەرىنىڭ قالالىق ەمحاناسىنا 2023 جىلعا الماتى بيۋدجەتىنەن 27 ملن تەڭگە ءبولىندى.

بارلىق مەديتسينالىق ۇيىمداردا ۇوس ارداگەرلەرىنە جانە ولارعا تەڭەستىرىلگەن ادامدارعا ۇنەمى ەستەلىك سىيلىقتار مەن ازىق-ت ۇلىك سەبەتتەرى تاپسىرىلادى.

سونداي-اق الماتى اكىمىنىڭ تاپسىرماسى بويىنشا الەۋمەتتىك قىزمەت ماماندارى ارداگەرلەردى تۇراقتى ارالاپ تۇرادى. ولار ارداگەرلەرگە قانداي كومەك قاجەت ەكەنىن انىقتايدى.

مىسالى, ناۋرىزباي اۋدانىنىڭ ارداگەرىنىڭ كىرەبەرىسىنىڭ اعاش تەرەزەلەرى جاڭاسىنا اۋىستىرىلىپ, ەسىگىنىڭ الدىنا جاڭادان اسفالت توسەلدى. الاتاۋ اۋدانىنىڭ ارداگەرىنە 1,5 ملن تەڭگەگە سۋ قۇبىرى مەن كارىز جەلىسىن تارتۋ جۇمىستارى جۇرگىزىلدى. وتىنىشتەر ءارتۇرلى جانە ەشقايسىسى نازاردان تىس قالمايدى.

بيىلعى جىلى قالالىق ءماسليحات دەپۋتاتتارىنىڭ شەشىمىمەن ۇوس ارداگەرلەرى مەن ولارعا تەڭەستىرىلگەن ادامدارعا بىرجولعى كومەك سوماسىن ۇلعايتۋ ماقۇلداندى.

«وكىنىشكە قاراي, سوعىس ارداگەرلەرى ازايىپ بارادى. الماتىدا 56 ارداگەر تۇرادى. مەن ولاردىڭ بارلىعى ءوز مەرەكەلەرىن امان-ەسەن قارسى العانىن قالايمىن. ارداگەرلەرگە كومەك كورسەتۋ ءۇشىن قاراجات قاراستىرىلعان. ءبىز ءاربىر ۇوس ارداگەرىنە ميلليون تەڭگەدەن تولەۋدى جوسپارلادىق, دەپۋتاتتاردان ولارعا 1,5 ملن تەڭگەدەن تولەۋ ءۇشىن تاعى بەس ءجۇز مىڭ تەڭگە قوسۋدى سۇرادىم», دەدى قالا اكىمى اتاۋلى كۇنگە تولەم سوماسىن ۇلعايتۋ باستاماسىنا تۇسىنىكتەمە بەرگەندە.

بىرجولعى الەۋمەتتىك كومەكتىڭ جالپى سوماسى 85,5 ملن تەڭگەنى قۇرايدى.

ۇوس ارداگەرلەرىنە تەڭەستىرىلگەن ادامدارعا دا 100 مىڭ تەڭگەدەن  بىرجولعى تولەمدەر قاراستىرىلعان. ەڭبەك مايدانىنىڭ قاتىسۋشىلارى,   ۇوس قاتىسقان بىراق قايتىس بولعان ارداگەرلەر مەن مۇگەدەكتەردىڭ ايەلدەرى 50 مىڭ تەڭگەدەن الادى.

جەڭىس كۇنىنە وراي جالپى سوماسى 975,4 ملن تەڭگەنىڭ الەۋمەتتىك تولەمدەرىن 13 290 الماتىلىق الادى.