قازاقستاندا جەڭىس كۇنىنە وراي اسكەري شەرۋ وتكىزىلمەيتىن بولدى, قورعانىس مينيسترلىگى ودان ۇنەمدەلگەن قارجى قازاقستاندىق ارميانى دايارلاۋعا باعىتتالاتىنىن مالىمدەدى, دەپ حابارلايدى Egemen.kz.
ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا قر قارۋلى كۇشتەرى باس شتابى جەدەل جوسپارلاۋ دەپارتامەنتى باستىعىنىڭ ورىنباسارى پولكوۆنيك داۋرەن ابدۋللين اسكەري شەرۋ وتكىزۋدەن باس تارتۋعا بيۋدجەتتى ۇنەمدەۋ سەبەپ بولعانىن اتاپ ءوتتى.
«9 مامىردا اسكەري شەرۋ بولمايدى. قورعانىس مينيسترلىگى ۇنەمدەلگەن قاراجاتتى جاۋىنگەرلىك ازىرلىكتى ساقتاۋعا جانە اسكەرلەردىڭ ۇتقىرلىعىن ارتتىرۋعا جۇمسايدى», دەدى داۋرەن ابدۋللين.