المالى اۋداندىق سوتىنىڭ ۇكىمىمەن ۇقك الماتى قالاسى بويىنشا دەپارتامەنتىنىڭ بۇرىنعى باستىعى لاۋازىمدىق وكىلەتتىگىن اسىرا پايدالانعانى ءۇشىن كىنالى دەپ تانىلدى, دەپ حابارلايدى Egemen.kz.
سوت ۇكىمىمەن وعان قر قىلمىستىق كودەكسىنىڭ 362-بابىنىڭ 4-بولىگىمەن 10 جىلعا مەملەكەتتىك قىزمەتتە, جەرگىلىكتى ءوزىن-ءوزى باسقارۋ ورگاندارىندا, قارجى ۇيىمدارىندا لاۋازىمداردى اتقارۋ قۇقىعىنان ايىرا وتىرىپ, 6 جىلعا باس بوستاندىعىنان ايىرۋ جازاسى تاعايىندالدى.
سونداي-اق ول ۇلتتىق قاۋىپسىزدىك كوميتەتىنىڭ گەنەرال-مايورى ارنايى اتاعىنان ايىرىلدى.
سوت ۇكىمى زاڭدى كۇشىنە ەنگەن جوق.
ايتا كەتسەك, كەشە, 24 ساۋىردە الماتى اۋەجايىنىڭ جەلىلىك پوليتسيا باسقارماسىنىڭ ەكس-باسشىسى دا 6 جىلعا سوتتالدى. سوت ۇكىمىمەن تالعات ءتالىپوۆ قاڭتار وقيعاسى كەزىندە بيلىگى مەن وكىلەتتىگىن اسىرا پايدالاندى دەپ تانىلدى.