سەنات دەپۋتاتتارى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ ۇكىمەتى مەن تۇرىكمەنستان ۇكىمەتى اراسىنداعى قازاقستان-تۇرىكمەنستان مەملەكەتتىك شەكاراسىنىڭ رەجيمى تۋرالى كەلىسىمدى راتيفيكاتسيالاۋ تۋرالى» زاڭدى تالقىلادى, دەپ حابارلايدى Egemen.kz
كەلىسىمنىڭ ماقساتى قازاقستان مەن تۇركىمەنستان اراسىنداعى مەملەكەتتىك شەكارا قاتىناستارىن رەتتەۋ جانە قۇقىقتىق نەگىزىن بەلگىلەۋ بولىپ تابىلادى. كەلىسىمدە قازاقستان-تۇركىمەن مەملەكەتتىك شەكاراسىنىڭ ءتارتىبى بەلگىلەندى جانە قازاقستان رەسپۋبليكاسىنىڭ ۇلتتىق قاۋىپسىزدىگىن ودان ءارى نىعايتۋ كوزدەلىپ وتىر.
بەلگىلى ءبىر ەرەجەلەر مەن ءتارتىپ, اتاپ ايتقاندا مەملەكەتتىك شەكارانى كۇتىپ ۇستاۋ, ادامداردى, كولىك قۇرالدارىن, جۇكتەردى جانە وزگە دە م ۇلىكتى شەكارا ارقىلى وتكىزۋ, ۇشۋلاردى جۇزەگە اسىرۋ, مەملەكەتتىك شەكارادا, شەكارا بەكەتتەرىندە شارۋاشىلىق جانە وزگە دە قىزمەتتى جۇرگىزۋ, سونداي-اق شەكارالىق وقيعالاردى شەشۋ مەملەكەتتىك شەكارا تارتىبىندە قامتىلىپ وتىر.
كوميتەت مۇشەلەرى تالقىلاۋ ناتيجەسى بويىنشا زاڭدى پالاتا وتىرىسىندا قاراۋعا جىبەرۋ تۋرالى شەشىم قابىلدادى.