الماتى وبلىسىندا ءيتتى سۇيرەگەن ەر ادامنىڭ ارەكەتىن كۋاگەرلەر بايقاپ, ۆيدەوعا ءتۇسىرىپ العان. وقيعا الاتاۋ تاسجولى بويىندا تۇزدىباستاۋ اۋىلىندا بولعان, دەپ حابارلايدى Egemen.kz.
كادرلاردان ەلدى مەكەن كوشەلەرىمەن كەتىپ بارا جاتقان قىزىل ءتۇستى كولىككە بايلانعان ءيتتى كورۋگە بولادى. قينالعان جانۋار قان جوسا بولىپ, جۇرۋدەن قالعان.
الەۋمەتتىك جەلىدە تاراعان ۆيدەودا كۋاگەر كولىك يەسىن توقتاتىپ, ءيتتى باۋدان بوساتىپ العانىن ايتادى.قازىر وسى وقيعاعا قاتىستى تالعار اۋداندىق پوليتسيا باسقارماسىندا 316-باپ «جانۋارلارعا قاتىگەزدىك كورسەتۋ» بويىنشا ءىس قوزعاعانىن حابارلادى.
«سوتالدى تەرگەپ-تەكسەرۋ جوعارىدا اتالعان ءبولىمنىڭ قىزمەتكەرلەرىنە تاپسىرىلدى. قۇقىق بۇزۋشى 1987 جىلعى ەر ادام ەكەنى انىقتالدى. قازىرگى ۋاقىتتا قاجەتتى تەرگەۋ شارالارى جۇرگىزىلىپ جاتىر», دەلىنگەن حابارلامادا.