جاڭا اۋە رەيستەرى

ەلشى اۋە كومپانيانىڭ باس ديرەكتورىمەن كەزدەسۋىن­دە ۇكى­مەتىنىڭ ەكى ەل ازاماتتارىنىڭ ىسكەرلىك جانە تۋريس­تىك سا­پار­لارىن جەڭىلدەتۋ جونىندەگى ءىس-شارالارى, ونىڭ ىشىن­دە كورولدىك ازاماتتارى ءۇشىن ۆيزاسىز رەجىم­دى ەن­گىزۋ جانە قازاقستان اۋەجايلارىندا «اۋە ەركىندى­گىنىڭ» بە­سىن­شى دارەجەسىن پايدالانۋ مۇمكىندىگى تۋرالى ءسوز قوزعادى.

باندەر ءال-موحاننا بولسا كومپانيانىڭ قازاقستان­دىق تاراپپەن ىسكەرلىك جانە تۋريستىك بايلانىستاردى نىعايتۋعا دەگەن قىزىعۋشىلىعىن جوعارى باعالاپ, بيىل قازاقستان مەن ساۋد ارابياسى قالالارى اراسىندا تىكەلەي تۇراقتى اۋە رەيستەردىڭ ىسكە قوسىلاتى­نىن مالىمدەدى. ەكى ەل اراسىندا «Airbus A330» جاڭا ۇشاقتارى قاتىنايدى.

سونداي-اق تاراپتار بيىلعى قاجىلىق ماۋسىمىندا قازاقستاندىق قاجىلاردى ساۋد ارابياسىنا تاسىمالداۋعا قاتىستى ماسەلەلەردى تالقىلادى. جاقىندا قازاقستان مۇسىلماندارى ءدىني باسقارماسى شەشىمىمەن «Flynas» اۋە كومپانياسى ەلىمىزدىڭ قاجىلارىن تاسىمالدايتىن نەگىزگى اۋە تاسىمالداۋشىلارىنىڭ ءبىرى بولىپ بەلگىلەنگەن ەدى. وسىعان وراي بەرىك ارىن ەل قاجىلارىنا بارىنشا قولعابىس ەتۋگە, قولايلى باعامەن ءتيىستى قىزمەت كورسەتۋگە جانە قاۋىپسىزدىكتەرىن قامتاماسىز ەتۋگە باستى نازار سالۋدى سۇرادى. باندەر ءال-موحاننا ءوز تاراپىنان بيىل قاجىلىق جاساۋعا نيەتتەنگەن قازاقستاندىق قاجىلارعا بارلىق قاجەتتى جاعدايلار جاسالاتىنىنا سەندىردى.

كەزدەسۋ قورىتىندىسى بويىنشا تاراپتار قازاقستان كورولدىككە تۋريستەردى كوپتەپ تارتۋعا جانە ەكى ەلدىڭ تۋريستىك جانە اۋە كومپانيالارى مەن ۆەدومستۆولارىنىڭ قاتىسۋىمەن ءتورتىنشى روۋد-شوۋ وتكىزۋگە ۋادەلەستى.

اتاپ ايتساق, «Flynas» اۋە كومپانياسى 70 ىشكى جانە حالىقارالىق باعىتتار بويىنشا اپتاسىنا 1,5 مىڭنان استام رەيس جاسايتىن جەكە ساۋدتىق لوۋكوستەر. كومپانيانىڭ اۋە پاركىندە جاڭا «Airbus A320Neo» جانە «A330» ۇشاقتارى بار.