الماتىدا Lova Kitchen ءدامحاناسىنىڭ زاڭسىز سالىنعان جازعى تاماقتانۋ الاڭى ءسۇرىلدى, دەپ حابارلايدى Egemen.kz.
بۇعان دەيىن جەرگىلىكتى تۇرعىندار تولە بي داڭعىلىنداعى Lova Kitchen ءدامحاناسىنا قاتىستى ءوتىنىش بىلدىرگەن ەدى. الماتى مسقب بۇل عيماراتتى تەكسەرىپ, ولاردىڭ جازعى تەرراساسى زاڭسىز جەردە ورنالاسقانىن انىقتادى. انىقتالعانداي, قوسالقى قۇرىلىس جاياۋ جۇرگىنشىلەر جولىنىڭ ءبىر بولىگىن الىپ جاتىر.
مەكەمە يەلەرى اكىمشىلىك كودەكستىڭ 316, 321 جانە 323-باپتارى بويىنشا جاۋاپكەرشىلىككە تارتىلدى. سونداي-اق «قامقور-تسەنتر» جشس مەردىگەرىنە قاتىستى اقبتك-ءنىڭ 319-بابى «جەرگە قۇقىقسىز زاڭسىز قۇرىلىس» بويىنشا شارالار قابىلداندى. سوت كومپانيادان ايىپپۇل ءوندىرىپ الىپ, ونى نىساندى بۇزۋعا مىندەتتەدى. مەنشىك يەسى بۇل شەشىمگە قارسى شىعۋعا تىرىستى, بىراق قالالىق سوت ونى وزگەرىسسىز قالدىردى.زاڭسىز تۇرعىزىلعان نىساندى بۇزۋ بۇگىن باستالدى.