الماتىدا العاش رەت Industry Advisory Board فورۋمى ءوتتى. فورۋمدا عىلىم جانە جوعارى ءبىلىم ءمينيسترى ءسوز سويلەپ, وتاندىق عىلىمنىڭ دامۋى ماڭىزدى ەكەنىن اتاپ ءوتتى, دەپ حابارلايدى Egemen.kz.
Industry Advisory Board (سالالىق كونسۋلتاتيۆتىك كەڭەس) – بيزنەس, سالالىق كاسىپورىندار مەن جەتەكشى عىلىمي ۋنيۆەرسيتەتتەر اراسىنداعى ءوزارا بايلانىستى اشىق ورناتۋ ءۇشىن قۇرىلعان پلاتفورما.
«ۋنيۆەرسيتەتتەگى عىلىمدى دامىتۋ – ماڭىزدى باعىت. ءبىزدىڭ ۋنيۆەرسيتەتتەردىڭ كوپشىلىگى teaching university دەڭگەيىندە تۇر. ولاردىڭ عىلىمي-زەرتتەۋ ۋنيۆەرسيتەتى فورماتىنا اۋىسۋى وتە ماڭىزدى. بۇگىنگى تاڭدا عىلىمعا بولىنەتىن قارجى 3,5 ەسە ارتتى. قازىر ماقساتتى قارجىلاندىرۋ فورماتى مەن باعدارلاماسى قايتا قارالىپ جاتىر. ۋنيۆەرسيتەتتەرگە ءوسۋ نۇكتەلەرىن قالىپتاستىرۋعا مۇمكىندىك بەرەتىن العاش رەت «مەگا گرانت» ۇعىمى (قارجىلاندىرۋ تۇرعىسىنان) ەنگىزىلۋى مۇمكىن», دەدى ساياسات نۇربەك.
سونداي-اق فورۋمدا كوممەرتسيالاندىرۋ بويىنشا عىلىمي ۋنيۆەرسيتەتتەر اليانسىنىڭ قۇرىلعانى تۋرالى جاريالاندى.