الماتىنىڭ تومەنگى ايماعىندا پوليتسەيلەر ءىرى ەسىرتكى زەرتحاناسىن جويدى. ءتىنتۋ كەزىندە دايىن ءونىم سالىنعان بىرنەشە ءىرى پاكەت تاركىلەندى, دەپ حابارلايدى Egemen.kz قالالىق پوليتسيا باسقارماسىنىڭ ءباسپاسوز قىزمەتىنە سىلتەمە جاساپ.
تۇركسىب اۋدانىنداعى حاركوۆسكايا كوشەسىندە ورنالاسقان جەكە ءۇيدىڭ بىرىندە ەسىرتكى زەرتحاناسى جۇمىس ىستەگەنى انىقتالدى.
ء«ۇي ءىشىن ءتىنتۋ جۇمىستارى بارىسىندا پوليتسەيلەر ۇنتاق پەن كەسەك تۇرىندەگى زاتتاردى, پلاستيك ىدىستاردى, سۇيىقتىعى بار كولبالاردى جانە باسقا دا سينتەتيكالىق پرەپاراتتاردى تاركىلەدى», دەپ حابارلادى قالالىق پوليتسيا دەپارتامەنتى.
دەپارتامەنتتىڭ مالىمەتىنشە, پوليتسەيلەر ەسىرتكى زەرتحاناسىندا دايىن ءونىمنىڭ بىرنەشە ءىرى كولەمىن تاركىلەدى.
جەرتولەدەن تابىلعان زاتتاردىڭ بارلىعى سوت-حيميالىق ساراپتاماعا جىبەرىلدى. سوتقا دەيىنگى تەرگەۋ باستالدى.