استانا قالاسىندا جوندەۋ جۇمىسىنا بايلانىستى قۇدايبەردى ۇلى – بۋراباي كوشەلەرىنىڭ قيىلىسى جابىلادى, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
«استانا قالاسىنىڭ كولىك جانە جول-كولىكينفراقۇرىلىمىن دامىتۋ باسقارماسى» مم «وڭتۇستىك-شىعىس (سول جاعى) تۇرعىن الابى كوشەلەرىن سالۋ جانەرەكونسترۋكتسيالاۋ» جوباسىن ىسكە اسىرىپ جاتىر.
جول قوزعالىسى قاۋىپسىزدىگىن قامتاماسىز ەتۋ ءۇشىن استانا قالاسى پد اكىمشىلىك پوليتسيا باسقارماسىنىڭ كەلىسىمى بويىنشا قۇدايبەردى ۇلى – بۋراباي كوشەلەرىنىڭ قيىلىسىندا ينجەنەرلىك جەلىلەردى ورناتۋ جۇمىسى باستالدى.
وسىعان بايلانىستى وسى جىلدىڭ 25 ناۋرىزى مەن 10 ءساۋىرى ارالىعىندا اتالمىش كوشەلەردىڭ قيىلىسىندا كولىك قوزعالىسى ءىشىنارا جابىلادى.
سول سياقتى جول-قۇرىلىس جۇمىسىن جۇرگىزۋ كەزەڭىندە №13, 47 باعدارلارىنىڭ قوزعالىس سىزباسى ۋاقىتشا وزگەرتىلدى.
ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماس ءۇشىن قوزعالىس باعىتىن الدىن الا جوسپارلاعانى ابزال.