قىتاي حالىق رەسپۋبليكاسى پرەزيدەنتىنىڭ ايتۋىنشا, 2023 جىلى ء«بىر بەلدەۋ, ءبىر جول» اياسىندا ءۇشىنشى رەت حالىقارالىق فورۋم وتەدى, دەپ حابارلايدى Egemen.kz.
سي تسزينپين ءپۋتيندى حالىقارالىق فورۋمعا شاقىردى.
«مەن كەشە رەسەي پرەزيدەنتىن قىتايعا كەلۋگە شاقىردىم. ويتكەنى قىتاي بيىل ء«بىر بەلدەۋ, ءبىر جول» اياسىندا ءۇشىنشى حالىقارالىق فورۋم وتكىزەدى. پۋتين الدىڭعى ەكى فورۋمعا دا قاتىسقان بولاتىن», دەدى قىتاي پرەزيدەنتى.
سي تسزينپين فورۋم تۋرالى رەسەي پرەمەر-ءمينيسترى ميحايل ميشۋستينمەن كەزدەسۋى كەزىندە ايتتى. قىتاي ۇكىمەتى 2013 جىلى تاياۋ شىعىس پەن ەۋروپامەن ەكونوميكالىق سەرىكتەستىك ءۇشىن ەكى ءىرى جوبانى - جىبەك جولىنىڭ ەكونوميكالىق بەلدەۋى جوباسىن جۇزەگە اسىرۋ ماقساتىندا «بىر بەلدەۋ, ءبىر جول» ستراتەگيالىق باستاماسىن ۇسىنعان.
قازىر جوبا ازيا, افريكا جانە ەۋروپانىڭ 78 ەلىن قامتيدى. ونىڭ كومەگىمەن قىتاي وزگە مەملەكەتتەردىڭ نارىعىنا ىقپالىن كۇشەيتۋدى كوزدەيدى.