وسك: داۋىس بەرۋدىڭ الدىن الا ناتيجەسى قانداي؟

ورتالىق سايلاۋ كوميسسيا­سى ناۋ­قان باستالعاننان بەرى ءار ەكى ساعات سا­يىن وڭىرلەردەگى ناتي­جەلەردى جاريا­لاپ وتىردى. ماسەلەن, ساعات 10:00-گە دەيىن ەلىمىزدەگى ساي­لاۋشىلاردىڭ 14,2 پايىزى ءوز تاڭداۋىن جاساپ ۇلگەرگەن. ساعات 14:10-داعى اقپارات بويىنشا, ساي­لاۋ­شىلاردىڭ 50 پايىزعا جۋىعى ءوز تاڭداۋىن جاساعانىن اتاپ وتكەن ءجون. وسى ۋاقىتتا اسىرەسە قوستاناي وڭىرىندەگى حالىقتىڭ بەلسەندىلىگى جوعارى بولدى. ورتالىق سايلاۋ كوميسسياسىنىڭ دەرەگىنشە, بۇل ءوڭىر 62,36 پايىزبەن كوش باستاپ تۇردى. وڭىرلەر بويىنشا قىزىلوردا, تۇركىستان, جامبىل, قوستاناي, سولتۇستىك قازاقستان وبلىستارىندا حالىقتىڭ بەلسەندىلىگى بايقالدى.

جالپى, سايلاۋشىلاردىڭ بەل­سەن­­دىلىگى استانادا دا ەرەكشە باي­قال­دى. مىسالى, باس قالادا­عى №139 سايلاۋ ۋچاسكەسىنە اعىلعان­داردىڭ قاراسى قالىڭ بولدى. ەڭكەيگەن كارىدەن, كامەلەتتىك جاسقا تولعان ازامات­تارعا دەيىن داۋىس بەرۋگە اسىقتى. سونىڭ ىشىندە ەڭ ءبىرىنشى بولىپ ءوز تاڭداۋىن جاساپ, سىيلىق العان سايلاۋشى – قانىش امىرەەۆ.

– ەلىمىزدىڭ بولاشاعى جانە ۇرپا­عىمىزدىڭ كەلەشەگى ءۇشىن  ەركە­عالي راحماديەۆ اتىنداعى مەملەكەتتىك اكادەميالىق فيلار­مونياسىنداعى سايلاۋ ۋچاسكەسىنە كەلىپ داۋىسىمدى بەردىم. العاش رەت وسىنداي ما­جوريتارلىق سايلاۋ بولىپ جاتىر. كوپ پارتيا ءوز كانديداتتارىن ۇسىندى. سونىڭ ىشىندە ەلگە بەلگىلى, ىسكەر ازاماتتار بار. سوندىقتان ەرتە كەلىپ, ولاردى قولداعىم كەلدى. جالپى, سايلاۋعا ءاربىر ازامات مىندەتتى تۇردە قاتىسۋى پارىز دەپ بىلەمىن. الداعى ۋاقىتتا سايلاناتىن دەپۋتاتتار جۇرتىنا ادال بولىپ, وتانىنا ايانباي قىزمەت ەتەدى دەپ ءۇمىت ارتامىز, – دەدى ول.

ءدال وسى استانا قالاسىنداعى №139 سايلاۋ ۋچاسكەسىنە 3 مىڭعا جۋىق سايلاۋشى تىركەلگەن. تەك ءبىر ادام عانا ۇيدەن داۋىس بەرۋگە شەشىم قابىلداعان. مۇنداعى سايلاۋشى­لاردىڭ ەڭ ۇلكەنى – 86 جاستا بولسا, العاش رەت ساياسي ناۋقانعا قاتىساتىن 18 جاستاعى سەگىز سايلاۋشى بار.

استانادا «نيندزيا تاسباقالار» داۋىس بەرگەنىن ايتۋىمىز كەرەك. لەونار­دو, رافاەل, دوناتەللو جانە ميكەلاندجەلو كەيپىندەگى داۋىس بەرۋشىلەر №10 سايلاۋ ۋچاسكەسىندە ءوز تاڭداۋىن جاسادى. ءتىپتى ەلوردالىق سايلاۋعا «ديۆان باتىر» دا داۋىس بەردى. ونىڭ وبرازىنان ءۇي كيىمىن, قۋاتتاعىش سىمى بار تەلەفونىن جانە وزىنەن ءبىر ەلى اجىرامايتىن قىزعىلت ديۆان كورىندى.

داۋىس بەرۋگە ەرەكشە وبرازدا كەلىپ, جۇرتتى تاڭداندىرعان قىزىق وقيعا قوناەۆ قالاسىندا دا بولدى. الماتى وبلىسىنىڭ تۇرعىنى نۇربەك ورمانوۆ قالاداعى سايلاۋ ۋچاسكەسىنە بارىستىڭ كوستيۋمىن كيىپ كەلگەن.

– ەگەمەندى ەل ەرتەڭى جاستاردىڭ قولىندا, ءبىز جاستار ۇشقىر ويلى, جاسىن­داي جارقىلداپ تياناقتى ەڭبەك ەتسەك, وتانىمىزدىڭ بولا­شاعى بيىك­تە بولماق. مەن بارىس كيىمىن كيگەن سەبەبىم بۇگىنگى ساي­لاۋعا وزگەشە اجار بەرگىم كەلدى جانە قوناەۆ قالاسىنا قويىلعان وبلىستىڭ سيمۆولى ارقىلى سۋرەت­تەۋدى قالادىم, – دەدى ول.

وسىلايشا, قىزىققا تولى بولعان سايلاۋدىڭ الدىن الا قورىتىندىسى دا بەلگىلى بولدى. ورتالىق سايلاۋ كوميسسياسى توراعاسىنىڭ ورىنباسارى كونستانتين پەتروۆتىڭ مالىمەتىنشە, تىزىمگە ەنگىزىلگەن 12 032 578 ازاماتتىڭ 6 521 860-ى بيۋللەتەن العان. بۇل – سايلاۋشىلاردىڭ 54,19 پايىزى.

ال داۋىس بەرۋ ناتيجەلەرى تومەن­دەگىدەي: اباي وبلىسى بويىنشا – 57,2; اقمولا وبلىسى بويىنشا – 60,1; اقتوبە وبلىسى بويىنشا – 58; الماتى وبلىسى بويىنشا – 60,3; اتىراۋ وبلىسى بويىنشا – 51,23; باتىس قازاقستان وبلىسى بويىنشا – 59,20; جامبىل وبلىسى بويىنشا – 65,21; جەتىسۋ وبلىسى بويىنشا – 55,32; قاراعاندى وبلىسى بويىنشا – 59,48; قوستاناي وبلىسى بويىنشا – 65,10; قىزىلوردا وبلىسى بويىنشا – 67,21; ماڭعىستاۋ وبلىسى بويىنشا – 54,10; پاۆلودار وبلىسى بويىنشا – 58,68; سولتۇستىك قازاقستان وبلىسى بويىنشا – 65,25; تۇركىستان وبلىسى بويىنشا – 53,1; ۇلىتاۋ وبلىسى بو­يىنشا – 58,99; شىعىس قازاقستان وبلىسى بويىنشا – 64,15; استانا قالاسى بويىنشا – 42,91; الماتى قالاسى بويىنشا – 25,82; شىمكەنت قالاسى بويىنشا – 45,46 پايىز.

ورتالىق سايلاۋ كوميسسياسى باسشىلىعى سايلاۋدىڭ تولىق قورى­تىندىسى بۇگىن جاريالاناتىنىن مالىم­دەدى.