تالدىقورعاندا بالالار اۋرۋحاناسىنىڭ ەسەپشىسى قۇمار ويىندارعا 109 ميلليون تەڭگە بيۋدجەت قاراجاتىن سالعانى ءۇشىن سوتتالدى, دەپ حابارلايدى Egemen.kz Zakon.kz. سايتىنا سىلتەمە جاساپ.
ول بەس جىلعا باس بوستاندىعىنان ايرىلعان. سوتتالۋشى كەلتىرىلگەن شىعىندى ءىشىنارا وتەگەن. ول جازاسىن ورتاشا قاۋىپسىز تۇرمەدە وتەيدى.
سونداي-اق ول ءومىر بويىنا مەملەكەتتىك قىزمەتتە جانە جەرگىلىكتى ءوزىن-ءوزى باسقارۋ ورگاندارىندا قىزمەت اتقارۋ قۇقىعىنان ايىرىلدى.
2021 جىلدىڭ 1 ناۋرىزىنان باستاپ ەسەپشى بولىپ جۇمىس ىستەيتىن ا. 109 ميلليون تەڭگەدەن استام اقشانى ۇرلاپ, قۇمار ويىندارعا سالعان.
«سوتتالۋشىنىڭ كامەلەتكە تولماعان بالاسىنىڭ بولۋىن, كەلتىرىلگەن زالال ءىشىنارا وتەلگەنىن جانە اۋىرلاتاتىن ءمان-جايلاردىڭ جوقتىعىن ەسكەرە وتىرىپ, سوت كۇدىكتىگە بەس جىل مەرزىمگە باس بوستاندىعىنان ايىرۋعا, مەملەكەتتىك قىزمەتتە, جەرگىلىكتى ءوزىن-ءوزى باسقارۋ ورگاندارىندا ءتيىستى لاۋازىمداردى اتقارۋ قۇقىعىنان ءومىر بويىنا ايىرا وتىرىپ, جازاسىن ورتاشا قاۋىپسىزدىكتەگى قىلمىستىق-اتقارۋ جۇيەسى مەكەمەسىندە وتەۋگە جازاسىن بەكىتتى», دەپ مالىمدەدى تالدىقورعان قالالىق سوتىنىڭ ءباسپاسوز قىزمەتى.
سوت قىلمىستىق كودەكستىڭ 55-بابىنىڭ 4-بولىگىن «وسى قىلمىستىق قۇقىق بۇزۋشىلىق ءۇشىن كوزدەلگەننەن جەڭىلىرەك جازا تاعايىنداۋ» قولدانىپ, ەڭ تومەنگى جازا تاعايىنداعانىن اتاپ ءوتتى. باپتىڭ سانكتسياسى جەتى جىلدان 12 جىلعا دەيىن باس بوستاندىعىنان ايىرۋدى قاراستىرادى.
سوتتىڭ ۇكىمى ءالى زاڭدى كۇشىنە ەنگەن جوق.