ازاماتتىق قىزمەتشىلەرگە, مەملەكەتتىك بيۋدجەت ەسەبىنەن ۇستالاتىن ۇيىمداردىڭ قىزمەتكەرلەرىنە, قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسىنە وزگەرىستەر ەنگىزەتىن قر ۇكىمەتىنىڭ قاۋلىسىنىڭ جوباسى دايىندالدى, دەپ حابارلايدى Egemen.kz.
قۇجاتتا قازاقستاننىڭ مەملەكەتتىك ورمان قورعاۋ قىزمەتتەرى قىزمەتكەرلەرىنىڭ, تابيعاتتى قورعاۋ مەكەمەلەرىنىڭ مەملەكەتتىك ينسپەكتورلارىنىڭ جانە جانۋارلار دۇنيەسىن قورعاۋ, ورمانداردى كوبەيتۋ جانە ورمان پايدالانۋ جونىندەگى مامانداندىرىلعان ۇيىمدار ينسپەكتورلارىنىڭ, دەنساۋلىعى مەن ومىرىنە زيان كەلتىرۋ قاۋپىمەن بايلانىستى بالىق شارۋاشىلىعى, سۋ ايدىندارىن نەمەسە ۋچاسكەلەرىن قورعاۋ بويىنشا ءوسىمىن مولايتۋ كەشەنىنىڭ كاسىپورىندارىنا لاۋازىمدىق جالاقىسىن 100% مولشەرىندە كوتەرۋ قاراستىرىلعان.
«ورمان شارۋاشىلىعى قىزمەتىنىڭ تومەن جالاقىسى سايىپ كەلگەندە جۇمىسشىلاردىڭ ءجيى اۋىسۋىنا, تۇراقتى بوس ورىندارعا, الەۋمەتتىك ماسەلەلەردىڭ شەشىلمەۋىنە اكەلىپ سوقتىردى. 300-گە جۋىق جۇمىسشى جۇمىس ىستەيدى. كاسىپورىندار قىزمەتىنىڭ جانە ولاردىڭ اۋىر ەڭبەك جاعدايلارىنداعى جۇمىسىنىڭ ەرەكشەلىگىن ەسكەرە وتىرىپ, قازىرگى جالاقى مولشەرلەمەلەرى ولاردىڭ سالانى دامىتۋعا قوسقان ۇلەسىنە سايكەس كەلمەيدى. سونىمەن قاتار تۇراقتى جۇمىس كۇشىن قالىپتاستىرۋعا جانە كادرلاردى تارتۋ ارقىلى كادرلىق رەسۋرستاردى نىعايتۋعا مۇمكىندىك بەرمەيدى», دەپ ءتۇسىندىردى ورمان شارۋاشىلىعى جانە جانۋارلار كوميتەتى.
جالاقىنى كوتەرۋ ءۇشىن 2023-2025 جىلدارعا ارنالعان بيۋدجەتتەن جالپى سوماسى 38 ملرد تەڭگەگە قوسىمشا قارجى رەسۋرسىن ءبولۋ جوسپارلانىپ وتىر.
قۇجات 30 ناۋرىزعا دەيىن قوعامدىق تالقىلاۋ ءۇشىن اشىق نقا ۆەب-سايتىنا جاريالانعان.